Dirt စကားလုံး အီဒီယံအသုံးအနှုန်းများ

listen to voanews.com

အီဒီယံအသုံးအနှုန်းများမှာ dig up the dirt, dish up the dirt, sweep the dart under the rug, နဲ့ dirt cheap တို့ ဖြစ်ကြပါတယ်။

ဒီတပတ် ပထမဦးဆုံးတင်ပြပေးမယ့် အီဒီယံအသုံးအနူန်းမှာ dig up the dirt ဖြစ်ပါတယ်။ Dig up = တူးဖော်သည်၊ Dirt = အမှိုက်သရိုက်၊ အညစ်အကြေး၊ ဖုန်။ စကားစုတခုလုံးရဲ့  တိုက်ရိုက် အဓိပ္ပါယ် ဖွင့်ဆိုချက်က "အမှိုက်သရိုက်၊ အညစ်အကြေးတို့ကို တူးဖော်သည်" ဖြစ်ပါတယ်။ အီဒီယံ အသုံးအနှုန်းကတော့ "အရှုပ်တော်ပုံကို ဖော်ထုတ်တာ သို့မဟုတ် တယောက်ယောက်ကို စိတ် အနှောက်အယှက်ပေးတာ၊ နစ်နာစေတာမျိုးကို ဖော်ထုတ်ယူခြင်း" လို့ အဓိပ္ပါယ် ရပါတယ်။



အောက်ပါတင်ပြပေးမယ့် ဥပမာမှာ သူ့ပြိုင်ဘက် ကိုယ်စားလှယ်တဦးရဲ့  နောက်ကြောင်း အရှုပ်တော်ပုံတွေကို ဖော်ထုတ်ပေးဖို့ နိုင်ငံရေး လုပ်စားသူတဦးက တာဝန်ပေးပုံအကြောင်း George Crows ပြောထားတာကို လေ့လာကြည့်ရအောင်ပါ။

"We spent weeks trying to dig up dirt on this guy. We talked to his enemies and looked at court records. The only dirt we found is two traffic tickets for speeding."

"ဒီအမျိုးသားမှာ ဘာအရှုပ်တော်ပုံများ ရှိထားသလဲဆိုတာ သိရအောင် ကျနော်တို့ ကြိုးပမ်းရှာဖွေခဲ့တာ သတင်းအပတ် အတော်ကြာခဲ့ပြီ။ ကျနော်တို့က သူရန်ဘက်တွေကို မေးမြန်းခဲ့ပြီး တရားရုံးက မှတ်တမ်းတွေလည်း ရှာဖွေကြည့်ထားခဲ့တယ်။ တခုတည်း တွေ့တဲ့ သူ့သတင်းဆိုးကတော့ ကားမောင်းကြမ်းလို့ ယာဉ်ထိမ်းရဲက ဒဏ်တပ်ထားတဲ့ လက်မှတ်နှစ်ဆောင် ရခဲ့တာပဲရှိတယ်"

ဒုတိယတင်ပြပေးမယ့် အီဒီယံအသုံးအနူန်းကတော့ dish the dirt ဖြစ်ပါတယ်။ Dish = ဒီနေရာမှာ ကြိယာအဖြစ် အသုံးပြုထားပြီး ပုဂံခွက်ထဲကို ခူးခပ်ထည့်သည်၊ Dirt = အညစ်အကြေး ဖြစ်ပါတယ်။ စကားစုတခုလုံးရဲ့  တိုက်ရိုက် အဓိပ္ပါယ် ဖွင့်ဆိုချက် "အညစ်အကြေးတွေကို ခူးခပ်ယူခြင်း" ဖြစ်ပါတယ်။ အီဒီယံ အသုံးအနှုန်းကတော့ "အရှုပ်တော်ပုံအကြောင်း သိက္ခာကျစရာအကြောင်းကို ဖြန့်ခြင်း" လို့ အဓိပ္ပါယ် ရပါတယ်။

လူတယောက်က သူ့မိတ်ဆွေတယောက်ကို သူတို့နှစ်ဦးစလုံး သိထားတဲ့ အိမ်ထောင်ရှင်အတွဲ တတွဲအကြောင်း အတင်းအဖျင်းပြောဆိုပုံပေးတဲ့ George Crows ပေးတဲ့ဥပမာကို လေ့လာကြည့်ရအောင်ပါ။

"I hear Pete and Mary aren't getting along these days. In fact, they say she is talking about a porce. Bill, you are their closest friend. So, come on dish up the dirt about them."

"Pete နဲ့ Mary တို့ အခုတလော မကြည်ကြဘူးလို့ ကျနော် ကြားတယ်။ တကယ်တော့ အမျိုးသမီးက ကွာရှင်းဖို့ ပြောနေတယ်လို့ သူတို့က ဆိုကြတယ်။ Bill ခင်များက သူတို့ရဲ့  အရင်းနှီးဆုံး မိတ်ဆွေမဟုတ်လား။ ကဲပါ သူတို့အကြောင်း အရှုပ်အရှင်းတွေ ခင်များသိတာ ပြောစမ်းပါဗျာ။"

တတိယံ တင်ပြပေးမယ့် အီဒီယံအသုံးအနူန်းက sweep the dirt under the rug ဖြစ်ပါတယ်။ Sweep = လှဲကျင်းသည်၊ Under = အောက်ဘက်၊ Rug = ကောဇော တို့ ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ် ဖွင့်ဆိုချက်က "ဖုန်တွေ အမှိုက်သရိုက်တွေကို ကောဇောအောက်ထဲကို လှဲကျင်းထဲ့သွင်းခြင်း" ဖြစ်ပါတယ်။ ရုတ်တရက် ဧည်သည်လာလို့ဖြစ်စေ၊ ပျင်းလို့ဖြစ်စေ အမှိုက်တွေကို လူမမြင်ရအောင် ကောဇောအောက်၊ ချောင်ကြိုချောင်ကြားထဲကို လှဲသိမ်းလိုက်သလိုပါ။ ဒီသဘောအတိုင်း အီဒီယံ အသုံးအနှုန်းက နေ့စဉ်ဘဝမှာ လူကြားသူကြား မကောင်းတဲ့ သတင်းတွေ၊ အကြောင်းအရာတွေ မပေါက်ကြားရအောင် ဖုံးအုပ်ဖုံးကွယ်လုပ်တဲ့ သဘောဖြစ်ပါတယ်။

မြို့ နယ်ကောင်စီမှာ အရှုပ်တော်ပုံ ထွက်လာတဲ့သတင်းနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

"The Mayor tried to sweep the corruption (dirt) at the city hall under the rug, but a smart TV reporter dug it up anyway. And, now three top city officials face criminal charges and maybe jailed."

"မြို့ တော်ဝန်က မြို့ တော်ခန်းမမှာ အာဂတိ လိုက်စားမှုအကြောင်းကို မပေါက်ကြား ရလေအောင် ဖုံးဖိဖို့ ကြိုးစားခဲ့တယ်။ ဒါပေမဲ့ ဘယ်ရမလည်း လျင်မြန်လှတဲ့ တီဗွီ သတင်းထောက်တဦးက အဲဒီအကြောင်းကို လိုက်စုံစမ်းဖော်ထုတ်နိုင်ခဲ့လို့ ထိပ်တန်မြို့ နယ် ကောင်စီအရာရှိ သုံးဦးတို့ အခုဆို ရာဇဝတ်မှု နဲ့ တရားစွဲခံနေရပြီး ထောင်တောင် ကျမလား မသိဘူးဗျား။"

နောက်ဆုံး တင်ပြပေးမယ့် အီဒီယံအသုံးအနူန်း dirt cheap ဖြစ်ပါတယ်။ Cheap = ဈေးပေါသော၊ တန်းဖိုးနည်းသော ဖြစ်ပါတယ်။ တိုက်ရိုက်အဓိပ္ပါယ် ဖွင့်ဆိုချက် ကတော့ "ဖုန်အမှိုက်သရိုက်လို တန်းဖိုးမရှိခြင်း" ဖြစ်ပါတယ်။ အီဒီယံ အသုံးအနှုန်းကတော့ "သိပ်ကိုဈေးပေါနေပြီ 'dirt cheap' လို့ ပြောဆိုပါတယ်။ မြန်မာစကားမှာ ပစ်စလက်ခတ် ဈေးပေါတာမျိုးကို ဆိုလိုပါတယ်။

အိမ်ဝယ်ရာမှာ ပစ်စလက်ခတ် တန်လို့ ဝယ်လိုက်မိတဲ့အကြောင်း George Crows ပေးတဲ့ ဥပမာကို လေ့လာကြည့်ရအောင်ပါ။

"Bill bought that house dirt cheap. Also, he thought. Then he heard it was haunted by the ghost of a murdered young woman. Now, he and his wife lie awake all night listening for strange noises."

"Bill က အဲဒီအိမ်ကို ပစ်စလက်ခတ် ပေါတဲ့ဈေးနဲ့ ဝယ်နိုင်ခဲ့တယ်။ ဒါကတော့ သူအထင်ပေါ့။ နောက်ကျတော့ အဲဒီအိမ်မှာ အသတ်ခံခဲ့ရတဲ့ အမျိုးသမီးတဦး သရဲခြောက်တယ်လို့ ကြားရော သူနဲ့သူ့ဇနီးတို့ ဟိုကအသံ ဒီကအသံ ထူးထူးဆန်ဆန် အသံတွေကို ကြားမလားလို့ တညလုံး မအိပ်နိုင်ဘဲ နိုးနေခဲ့ကြတယ်။"

ဆက်ဖတ်ရန်>>>

Lion & Tiger အီဒီယံ အသုံးအနှုန်းများ

listen to voanews.com

ဲ့ အီဒီယံ အသုံးအနှုန်းများမှာ lion's share နဲ့ have a tiger by the tail တို့ ဖြစ်ပါတယ်။

တောရိုင်းတိရစ္ဆာန်တို့ရဲ့  ဘုရင်တစုလို့ ခလေးတွေ နှစ်သက်တဲ့ ရွှေသွေးပုံပြင်တွေထဲမှာ တင်စား ပြောဆိုထားတဲ့ ကေသရာဇာခြင်္သေ့ (lion) ကို အခြေခံတဲ့ lion's share ဆိုတဲ့ အီဒီယံအသုံးကို ပထမဦးဆုံး တင်ပြပေးပါမယ်။ Lion's = ခြင်္သေ၏ နဲ့ share = ဝေပုံစု ဖြစ်ပြီး တိုက်ရိုက်အဓိပ္ပါယ်ကတော့ ခြင်္သေ၏ ဝေပုံစု ဖြစ်ပါတယ်။

သမိုင်းကြောင်း နောက်ခံကတော့ လွန်ခဲ့တဲ့ နှစ်ပေါင်း နှစ်ထောင်ငါးရာ လောက်က ရှေးဟောင်း ဂရိ (Greek) ပုံပြင် ပြောပြသူ တဦးက စခဲ့တယ်လို့ ယူဆကြပါတယ်။ ခြင်္သေ့အနေနဲ့ အစားရှာဖွေဖို့ တခြား တောရိုင်း တိရစ္ဆာန် အုပ်စုထဲမှာ ပါဝင်ခဲ့ပါတယ်။ တချိန်မှာ သမင်တကောင်ကို သတ်ဖြတ် ပစ်နိုင်ပြီးနောက် ခြင်္သေ့ က သူ့ ဝေစုကို တောင်းတဲ့အခါ သမင် တကောင်လုံးကို လိုချင်နေပါတယ်။ ဟိတ်ဟန်ရှိတဲ့ ခြင်္သေ့က ဟိန်းဟောက်ပြီး ခြိမ်းခြောက် တောင်းဆိုတာကို တခြား တိရစ္ဆာန်တွေက ကန့်ကွက် ပြောဆိုခြင်း မရှိတာကြောင့် လောဘ ရမက်ကြီးတဲ့ ခြင်္သေ့က သမင် တကောင်လုံးကို ရသွားခဲ့ပါတယ်။ ဒီပုံပြင်ကို အခြေခံပြီး lion's share အသုံးက ဝေစုခွဲရာမှာ မတရားတာ မှန်ပေမယ့် ကိုယ့်အဖို့ အများဆုံး ကျန်အောင် ဝေပုံကျကို ခွဲယူခြင်းကို ခေါ်ဆိုခြင်း ဖြစ်ပါတယ်။

အဖိုးကြီးတဦးက သူမသေခင်လေးမှာ ဘာမှမဟုတ်တဲ့ကိစ္စကြောင့် သူ့သားသမီးတွေနဲ့ စကားများပြီး အမွေစာချုပ်မှာ အပြောင်းအလဲလုပ်လိုက်တဲ့အကြောင်း George Crows ပေးတဲ့ အောက်ပါဥပမာကို လေ့လာကြည့်ပါ။

"The angry old man changed his will. And, his family was shocked to discover he had left the lion's share of all his money to a distant cousin. Most of them have never heard of."

"အဖိုးကြီးလည်း ဒေါကန်ပြီး သူ့ အမွေစာချုပ်ကို ပြောင်းလဲပစ်ခဲ့တယ်။ ဒါကြောင့်လည်း သူ့ကျန်ရစ်သူ မိသားစုက သူတို့ တခါမှ မကြားဘူး၊ မသိတဲ့ ဆွေမျိုး နီးစပ်သူတဦးကို အမွေဝေပုံကျ အများစု ပေးခဲ့တယ်လို့ သိကြတဲ့အခါမှာတော့ အားလုံး ဒေါသထွက် တအံ့တသြ ဖြစ်ခဲ့ကြတယ်။"

ဒုတိယ အသုံးအနှုန်းက ကျားတိရစ္ဆာန် နဲ့ ဆက်နွယ်တဲ့ အသုံးအနှုန်း ဖြစ်ပါတယ်။ Have a tiger by the tail ဖြစ်ပါတယ်။ Have = ရှိပါသည်။ Tiger = ကျား နဲ့ Tail = အမြီး တို့ဖြစ်ကြပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ကျားတကောင်ကို အမြီးကနေကိုင်ပါလို့ ပြန်ဆိုနိုင်ပါတယ်။

အီဒီယံ သဘောအရတော့ ကျားမြီးဆွဲတဲ့အခါ သိပ်ပြီး အားကောင်းဖို့ လိုသလို၊ သိပ်ပြီးတော့လည်း ကြောက်ဖို့လည်း ကောင်းပါတယ်။ မြန်မာ အသုံးအနှုန်း မှာလည်း ကျားမြီး ဆွဲရသလိုပဲ ဆိုတဲ့စကား ရှိပါတယ်။ ဒီစကား သဘောကတော့ မနိုင်တဲ့ ဇာတ်ကို က ရတဲ့သဘော၊ ကိုယ် မကျွမ်းကျင် အန္တရာယ်ရှိတဲ့ အလုပ်တခုခုနဲ့ သွားပတ်သက်မိရင် ကိုယ့်ဒုက္ခ ကိုယ်ရှာတဲ့ သဘော ဖြစ်ပါတယ်။

အောက်ပါတင်ပြထားတဲ့ have a tiger by the tail အီဒီယံက လူတယောက် တရားမဝင် မူးယစ်ဆေးဝါးသုံးစွဲခဲ့တာကို George Crows တင်ပြပေးထားတဲ့ ဥပမာ ဖြစ်ပါတယ်။

"Once you start using heroin, you have a tiger by the tail. If you get hooked, you'll need more. It'll cause you more money, and you might have to steal to support the habit."

"ဘိန်းဖြူကို စပြီး သုံးစွဲမိရင် ခင်ဗျား အနေနဲ့ ကျားမြီး ဆွဲမိတော့တာပဲ။ ဆေးစွဲသွားရင် ဆေးကို သုံးချင်စိတ် ပိုဖြစ်လာသလို ပိုပြီးတော့လည်း ငွေကြေး ကုန်ကျများ လာမယ်။ ပြီးတော့ ဆေးသုံးမဲ့ အကျင့်ကို မဖျောက်နိုင်လို့ ခိုးရတဲ့ အကျင့် ရှိလာလိမ့်မယ်။"

ဆက်ဖတ်ရန်>>>

Sock စကားလုံးဆိုင်ရာ အသုံးအနှုန်းများ

listen to voanews.com

အီဒီယံ အသုံးအနှုန်းများမှာ sock away, sock in နဲ့ knock your socks off တို့ ဖြစ်ကြပါတယ်။
ခြေအိတ်လို့ မြန်မာလို အဓိပ္ပါယ်ရတဲ့ sock ကို အခြေခံပြီး ပထမဦးဆုံး တင်ပြပေးမယ့် အီဒီယံအသုံးအနှုန်းကတော့ sock away ဖြစ်ပါတယ်။ Sock ကို နာမ် (noun) အဖြစ် အသုံးပြုရင်တော့ ခြေအိတ် ဖြစ်ပြီး၊ ဒါပေမယ့် ဒီနေရာမှာ sock ကို away (တခြားသို့၊ တပါးသို့၊ အဝေးသို့) အဓိပ္ပါယ်ရတဲ့ ကြိယာဝိသေသန နဲ့ တွဲသုံးပြီး ကြိယာ (verb) အဖြစ် အသုံးပြုထားပါတယ်။ ဒီအသုံးက ၁၉၀၀ ခုနှစ်လောက်က စတင်အသုံးပြုလာတယ်လို့ ဆိုပါတယ်။ ခြေအိတ်လို့ အဓိပ္ပါယ်ရတဲ့ sock မှာ ရှေ့ တုန်းက လူတွေဟာ အများအားဖြင့် သူတို့ပိုင်တဲ့ ဒင်္ဂါးပြားငွေတွေကို ဘဏ်မှာ မအပ်ကြဘဲနဲ့ ခြေအိတ်ထဲမှာထည့်ပြီး တခြားခြေအိတ်တွေနဲ့ ရောထားခြင်းအားဖြင့် အခိုးမခံရလေအောင် စုဆောင်းသိမ်းဆည်းထားရကနေ ဒီအသုံးအနှုန်း ဆင်းသက်လာတယ်လို့ ဆိုပါတယ်။ တိုက်ရိုက် အဓိပ္ပါယ်ကတော့ ခြေအိတ်ထဲထည့်ပြီး အဝေးတနေရာမှာ သိမ်းထားခြင်း ဖြစ်ပါတယ်။ အီဒီယံ အဓိပ္ပါယ်ကတော့ ငွေ (သို့မဟုတ်) အဖိုးတန်ပစ္စည်းတွေကို စိတ်ချလုံခြုံရတဲ့ တနေရာမှာ သိမ်းဆည်းထားခြင်းလို့ အဓိပ္ပါယ်ရပါတယ်။


အောက်ပါ George Crows ပေးတဲ့ ဥပမာမှာ သူနဲ့ သူ့ဇနီးမှာ သမီးလေးတဦးက တနှစ်ပဲရှိသေးပေမယ့်လည်း ကြီးပြင်းလာရင် တက္ကသိုလ်ကျောင်းတက်နိုင်ဖို့ ကြိုတင်စီမံချက်အဖြင့် မိဘတွေအနေနဲ့ ငွေစုမယ့် အစီအစဉ်အကြောင်း ဖြစ်ပါတယ်။

"It costs a lot these days to send someone to a college. So, we are going to sock away some money every month to make sure she starts life with a good education."

"အခုအချိန်အခါမှာ ကလေးတယောက်ကို တက္ကသိုလ်ကောလိပ် ပို့ရတာ အလွန်စရိတ်စခကြီးမားလွန်လှတယ်။ ဒါကြောင့် သမီးလေးဘဝအစမှာ ပညာကောင်းကောင်းသင်နိုင်အောင်လို့ လစဉ် လုံခြုံတဲ့နေရာမှာ ငွေစုထားနေရတယ်။"

ဒုတိယတင်ပြပေးမယ့် အီဒီယံအသုံးအနှုန်းမှာ sock in ဖြစ်ပါတယ်။ ဒီအသုံးအနှုန်း ဆင်းသက်လာတာကတော့ ဒုတိယ ကမ္ဘာစစ်အတွင်းကဖြစ်တယ်လို့ ဆိုပါတယ်။ မြူတွေဆိုင်းတဲ့အခါ (သို့မဟုတ်) နှင်းတွေကျတဲ့အခါ စစ်လေတပ်စခန်းတွေကို ရာသီဥတု ကောင်းလာတဲ့အထိ၊ သာယာကြည်လင်လာတဲ့အထိ လေယာဉ်အတက်အဆင်းတွေ ဘေးအန္တရာယ်ကင်းအောင်လုပ်နိုင်တဲ့အထိ မလွှဲမရှေုာင်သာ ပိတ်လာရတဲ့အခါတွေရှိတဲ့အခါမှ ဒီအသုံး ဆင်းသက်လာတာ ဖြစ်ပါတယ်။
ဒီနေရာမှာ sock က windsock ဆိုတဲ့ အသုံးကို ရည်ညွှန်းတာဖြစ်ပါတယ်။ ကျမတို့ မြန်မာမှာတော့ လေညွှန်ပြွန် ဖြစ်ပါတယ်။ Windsock ဆိုတာကတော့ လေယာဉ်ကွင်းတွေမှာ တွေ့မြင်ရပါတယ်။ ဒါကတော့ လေဘယ်ဖက်က တိုက်ခိုက်နေတယ်၊ လေတိုက်ခိုက်နှုန်း ဘယ်လောက်ပြင်းထန်တယ်ဆိုတာကို လေယာဉ်မောင်းသူတွေ တွေ့မြင်နိုင်အောင် တိုင်မှာလွှင်တင်ထားတဲ့အရာကို ဆိုလိုတာဖြစ်ပါတယ်။ အဝတ်နဲ့ ချုပ်လုပ်ထားတဲ့ ကရိယာတမျိုး ဖြစ်ပါတယ်။ အင်္ကျီလက်တဖက်လို တဖက်က အဝကျယ်ပြီး ကျန်တဖက်က အဖျားရှုးသွားတာ ဖြစ်ပါတယ်။ ဒီအပြင် အထဲမှာ လေဝင်တိုးဖို့ အပေါက်ရှိနေပါတယ်။ ဒါကို တိုင်မှာချည်ထားတဲ့အခါ လေတိုက်တဲ့အခါ အဝကျယ်တဲ့ဖက်က လေဝင်ပြီး ကျဉ်းတဲ့ဖက်က လေပြန်ထွက်ကာ လွှင့်နေတာကြောင့် လေယာဉ်မောင်းသူများအနေနဲ့ လေဘယ်ဖက်က တိုက်နေတယ်ဆိုတာကို မြင်တာနဲ့ သိရှိနိုင်ပြီး လေယာဉ်အဝေးပြေးလမ်းပေါ် ဆင်းသက်တဲ့အခါ သင့်တော်တဲ့လမ်းကြောင်းကို ကြည့်ပြီး ရွေးချယ်ဆင်းနိုင်တာ ဖြစ်ပါတယ်။ လေမတိုက် လေငြိမ်နေမယ်ဆိုရင်တော့ လေညွှန်ပြွန်က အထဲမှာလေမရှိတော့ အောက်မှာခွေလျော့ကျနေပါလိမ့်မယ်။ အဲဒီလို အခြေအနေမျိုး ဖြစ်လာခဲ့ရင်တော့ လေယာဉ်ပျံသန်းမှုကို စတင်တဲ့ခေတ်တွေတုန်းက လေယာဉ်ပျံအနေနဲ့ မြေပြင်ပေါ်မှာပဲ နေရပြီး အပေါ်ဖက်ကို ပျံမတတ်နိုင်ပါဘူး။ ဒါကြောင့်မို့ လေယာဉ်ကွင်းတကွင်းမှာ sock in ဆိုတဲ့ အသုံးအနှုန်းကို ကြားရရင် ရာသီဥတုဆိုးဝါးလို့ ရာသီဥတုကောင်းလာတဲ့အထိ အဲဒီ လေယာဉ်ကွင်းကို ပိတ်ထားတယ်၊ လေယာဉ်အတက်အဆင်းတွေမရှိဘူးလို့ ဆိုလိုပါတယ်။
နှင်းကျတဲ့ဆောင်းတွင်း ညတညမှာတော့ ကျမတို့ မိတ်ဆွေကြီး George Crows ကနေ ပြတင်းပေါက်အပြင်ဖက်ကိုကြည့်ပြီး သူအနေနဲ့ New York ကို အလုပ်ကိစ္စသွားဖို့ ဖြစ်ပါ့မလားဆိုတဲ့ ပူပင်နေတဲ့အကြောင်း ပြောတာကို လေ့လာကြည့်ရအောင်ပါ။

"Honey, the snow is beginning to come down a lot faster. I'm afraid it will sock in the airport and I won't be able to fly up to New York for that business meeting."

"အချစ်ရေ နှင်းတွေ စပြီးမြန်မြန်ကျလာနေတယ်။ ဒါကြောင့် လေယာဉ်ကွင်း ပိတ်ထားပြီး အလုပ်ကိစ္စ ဆွေးနွေးဖို့ New York ကို လေယာဉ်နဲ့သွားဖို့ မဖြစ်နိုင်မှာကို စိုးရိမ်နေမိတယ်။"

နောက်ဆုံးတင်ပြပေးမယ့် အီဒီယံအသုံးအနှုန်းကတော့ knock your socks off ဖြစ်ပါတယ်။ Knock က ခေါက်သည်၊ တွန်းသည် စသဖြင့် အဓိပ္ပါယ်ရှိပေမယ့် ဒီနေရာမှာ off ဆိုတဲ့ တဖက်သို့ အဓိပ္ပါယ်ရတဲ့ ဝိဘတ်နဲ့ တွဲသုံးထားတာကြောင့် knock off က တဘက်ကိုရောက်အောင် တွန်းပစ်လိုက်တဲ့ သဘောမျိုး ဖြစ်ပါတယ်။ your က သင့်၏ ဖြစ်ပြီး socks က ခြေအိတ်တွေ ဖြစ်ပါတယ်။ ဒါကြောင့် စကားစုတခုလုံးရဲ့  တိုက်ရိုက်အဓိပ္ပါယ်က ဝတ်ထားတဲ့ခြေအိတ်တွေတောင် လွှင့်ထွက်မတတ် ဖြစ်ရတဲ့သဘော တင်စားပြောဆိုထားတာ ဖြစ်ပါတယ်။ အီဒီယံ အဓိပ္ပါယ်ကတော့ တခုခုကြောင့် လူ့စိတ်ကို လှုပ်ရှားစေတာ၊ ကျမတို့ မြန်မာမှာတော့ တခုခု သိပ်ကောင်းလို့ရှိရင် ဆွေမျိုးတောင်မေ့စေတယ်ဆိုတဲ့ သဘောမျိုး ဖြစ်ပါတယ်။
George Crows ပေးတဲ့ ဥပမာမှာတော့ မနေ့ညက သူကြည့်ခဲ့ရတဲ့ ရုပ်ရှင်ကို သိပ်ကြိုက်လွန်လို့ သူ့ရဲ့  ချစ်သူ Betty ကို ထပ်ပြီးနောက်တခေါက်ကြည့်ဖို့ ပြောဆိုတဲ့အကြောင်း ဖြစ်ပါတယ်။

"I want to tell you, Betty that you'd love this picture. I promise it will knock your socks off, honey. It's the best thing I've seen in a long time."

"ပြောရအုံးမယ် Betty ရေ။ ဒီရုပ်ရှင်ကားကို ကြည့်ရင်တော့ မင်းအလွန်ကြိုက်လိမ့်မယ်၊ ဆွေမျိုးတောင် မေ့လိမ့်မယ်ဆိုတာကို ကိုပြောရဲတယ်။ ဒီလို ရုပ်ရှင်ကားမျိုး မကြည့်ရတာ အတော်ကြာလှပြီ။ ဒီရုပ်ရှင်ကားက အကောင်းဆုံးလို့ ပြောနိုင်တယ်။"

ဆက်ဖတ်ရန်>>>

Oats, Corn and Beans ဆိုင်ရာ အီဒီယံ အသုံးအနှုန်းများ

listen to voanews.com


ဲ့ အီဒီယံ အသုံးအနှုန်းများမှာ feel your oats, corn-fed နဲ့ full of beans တို့ ဖြစ်ကြပါတယ်။

ပထမဦးဆုံး တင်ပြပေးမယ့် အီဒီယံအသုံးက feel your oats ဖြစ်ပါတယ်။ Feel က စမ်းကြည့်သည်၊ ကိုင်ကြည့်သည်၊ ခံစားရသည်။ Your သင့်ရဲ့ ။ Oats ကျွဲနွားတိရစ္ဆာန်တွေ လယ်ယာတိရစ္ဆာန်တွေ စားသုံးတဲ့ အစာအပြင် အမေရိကန်နိုင်ငံသားတွေ မနက်စာ နို့နဲ့တွဲဖက်စားသုံးတဲ့ စိုက်ပျိုးသီးနှံ၊ အုတ်ဂျုံ၊ မြင်းစားဂျုံ ဖြစ်ပါတယ်။ ကျမတို့ မြန်မာပြည်မှာတော့ ကျွဲနွားစာအတွက် နှမ်းဖတ်တို့လို ဖြစ်ပါတယ်။ ဗိုက်ပြည့်အောင် စားထားတဲ့ မြင်းဆိုရင် မြူးထူးခုန်ပေါက်နေသလို လူတွေလည်း ဗိုက်ပြည့်အောင် စားရပြီးဆိုရင် ကျေနပ်ကြီးကျေနပ်ကြတာ ကျမအပါအဝင် ဖြစ်ပါတယ်။ ဒါပေမဲ့ feel your oats အီဒီယံ အဓိပ္ပါယ်က နောက်တမျိုး ရှိပါတယ်။ ဘဝင်မြင့်နေသူ၊ သူကိုယ်သူ အရေးပါနေသူ၊ အထင်ကြီးနေသူအဖြစ် လူတကာကို ဆရာလုပ်ဖို့ ကြိုးစားနေသူကို ရည်ညွှန်းရာမှာလည်း ဒီ အီဒီယံကို အသုံးပြုပါတယ်။

အခု George Crows ပေးမယ့် ဥပမာမှာတော့ သူ့ဆရာသမား အသစ်အကြောင်း ပြောပြထားတာ ဖြစ်ပါတယ်။

"Bill certainly feels his oats. Now he has been promoted until the rest of us what to do. Somebody ought to tell him he needs to take it easy and be the same friendly guy he always was before he became our new boss."

"Bill က အခု ရာထူးတိုးလာတော့ တကယ့်ကိုပဲ သိပ်ဘဝင်မြင့်နေတာ။ ကျနော်တို့တတွေကို ဘာလုပ်ရမယ်၊ ညာလုပ်ရမယ်ဆိုတာတွေ ဆရာလုပ်နေတယ်။ သူအနေနဲ့ အေးအေးဆေးဆေးနေပြီး သူ ကျနော်တို့ ဆရာသမား အသစ်မဖြစ်ခင်က နေခဲ့တဲ့အတိုင်း ခင်မင်တတ်တဲ့လူတဦးလို နေသင့်တယ်လို့ တယောက်ယောက်က ပြောဖို့သင့်နေပြီ။"

ဒုတိယ တင်ပြပေးမယ့် အီဒီယံအသုံးက corn-fed ဖြစ်ပါတယ်။ corn ပြောင်း၊ ဖူးစားပြောင်း fed (feed ကြိယာမှ ဆင်းသက်လာသည်) ကျွေးမွေးသည်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ပြောင်းဆန် ကျွေးသည် ဖြစ်ပါတယ်။ Corn-fed ဆိုတဲ့ အသုံးဟာ အမေရိကန်ပြည်ထောင်စု အလယ်ပိုင်းဒေသရှိ မွေးမြူးရေးခြံတွေမှာ နေထိုင်ကြသူတွေကို ရည်ညွှန်းပြောဆိုတာ ဖြစ်ပါတယ်။ အမေရိကန်ပြည်ထောင်စုရဲ့  အနောက်အလယ်ပိုင်းဒေသဖြစ်တဲ့ Kansas ပြည်နယ်ကနေ အရှေ့ ဘက် Ohio ပြည်နယ်အထိ တလျှောက်လုံးဟာ ပြောင်းခင်းတွေ အများဆုံးစိုက်ပျိုးတာ ဖြစ်ပါတယ်။ တခါတရံလည်း ပြောင်းစားသူတွေလို့ အဓိပ္ပါယ်ရတဲ့ corn-fed အသုံးဟာ ကျန်းမာတယ်၊ ကျေးလက်ဆန်တယ်၊ ရိုးရိုးရှင်းရှင်း ပွင့်ပွင့်လင်းလင်း နေထိုင်ပြောဆိုတတ်တဲ့လူတွေကို ရည်ညွှန်းပြီး အဓိပ္ပါယ်ဖွင့်ဆိုလေ့ ရှိပါတယ်။ ဘယ်လိုပင်ဖြစ်စေတော့ ဒီလို ပြောင်းစားပြီး ကြီးပြင်းလာသူတွေဟာ ဖော်ဖော်ရွေရွေ ရှိသလို ကျွေးမွေးရမှာလည်း စေတနာရှိကြပါတယ်။

George Crows ပေးထားတဲ့ ဥပမာကို လေ့လာကြည့်ရအောင်ပါ။

"My brother married to a corn-fed girl from a small town in western Iowa, but you know one thing she bakes the best apple pie I have ever eaten. And, you really ought to taste fresh sweet corns on the cup she feeds us."

"ကျနော့်ညီငယ်က အမေရိကန်အနောက်ပိုင်း Iowa ပြည်နယ်ရဲ့  မြို့ ငယ်လေးတမြို့ မှ ရိုးရိုးအေးအေး နေထိုင်တတ်တဲ့ မိန်းခလေးတဦးနဲ့ အိမ်ထောင်ကျခဲ့တယ်။ တခုတော့ ပြောချင်တယ် ကျနော်စားဘူးတဲ့ ပန်းသီးပိုင်မုန့် (apple pie) သူ ဖုတ်တဲ့မုန့်ကတော့ အကောင်းဆုံးပါဘဲဗျာ။ ဒါအပြင် သူကျွေးတဲ့ လတ်ဆတ်တဲ့ ပြောင်းဖူးပြုတ်ကိုလည်း ခင်များကို ကျွေးချင်လိုက်တာဗျာ။"

နောက်ဆုံးတင်ပြပေးမယ့် အီဒီယံအသုံးကတော့ full off beans ဖြစ်ပါတယ်။ Full ပြည့်ဝသော၊ Off မှ၊က နဲ့ Beans ပဲစေ့များ တို့ဖြစ်ပါတယ်။ လုံးကောက်အဓိပ္ပါယ်က ပဲစေ့တွေအပြည့်နဲ့ ဖြစ်ပါတယ်။ ပဲပင်ဟာ အမေရိကန်တိုက်တွေမှာ ပေါက်တဲ့အပင်ဖြစ်ပြီး အမေရိကန်ပြည်ထောင်စုမှာ ယာတောတွေ၊ နေအိမ်ခြံတွေမှာ စိုက်ပျိုးကြပါတယ်။ ကျမတို့ မြန်မာနိုင်ငံမှာလည်း ပဲပင်တွေ အမျိုးမျိုး ရှိကြပါတယ်။ ပဲစားရင် ပရိုတင် (protein) အသားဓါတ်ပါလို့ အားလည်းရှိပါတယ်။ ဒါကြောင့်မို့ full of beans ဆိုတဲ့ အီဒီယံအသုံးနှုန်းက ကျန်းမာခြင်း၊ အားရှိခြင်း၊ စိတ်ဓါတ်တက်ကြွခြင်း ကို ဆိုလိုပါတယ်။

အခု George Crows ပေးမယ့် ဥပမာမှာတော့ အလုပ်ကြိုးစားလွန်တဲ့ မိတ်ဆွေ Joe ဟာ အလုပ်ခွင်က ခွင့်ယူပြီး တနေရာမှာ အပန်ဖြေပြီး အနားယူသင့်တယ် အကြောင်းဖြစ်ပါတယ်။

"Joe looks so tired and worn out. He looks awful. Then, his wife made him take two weeks off from work. And, when he got back, he was full of beans, full of fresh energy and looking like himself again."

"Joe ကို ကြည့်ရတာ သိပ်ကို ပင်ပန်နွမ်းနှယ်နေပုံပေါ်တော့ မြင်လို့တောင် မကောင်းပါဘူး။ ဒါကြောင့် သူ့ဇနီးက သူကို အလုပ်ကနေ သတင်းနှစ်ပတ် အနားယူခိုင်းတယ်။ သူပြန်လာတော့ အားမာန်အပြည့်နဲ့ပေါ့။ အားသစ်တွေပြည့်လို့ သူနဂိုမူရင်းပုံ ပြန်ဖြစ်လာတယ်။"

ဆက်ဖတ်ရန်>>>

Hard စကားလုံး အီဒီယံအသုံးအနှုန်းများ

listen to voanews.com


အီဒီယံ အသုံးအနှုန်းများမှာ hard sell, hard hat နဲ့ a hard row hoe တို့ ဖြစ်ကြပါတယ်။

ဒီတပတ် ပထမဦးဆုံး တင်ပြပေးမယ့် အီဒီယံအသုံးကတော့ hard sell ဖြစ်ပါတယ်။ Hard တင်းတင်းမာမာ၊ ခက်ခက်ခဲခဲ၊ ကြပ်ကြပ်တည်းတည်း။ Sell ရောင်းသည် တို့ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်က ရောင်းတဲ့နေရာမှာ ခက်ခက်ခဲခဲ ရှိခြင်း၊ အတင်းအကြပ်ရောင်းသည် တို့ ဖြစ်ပါတယ်။ အီဒီယံသွယ်ဝိုက် အဓိပ္ပါယ်ကလည်း အနည်းငယ်နီးစပ်ပါတယ်။ ပွဲစားတယောက်ယောက်က သူ့ပစ္စည်းထွက်ရလေအောင် ဝယ်သူကိုအမျိုးမျိုး အတင်းအဓမ္မရောင်းချတဲ့နည်းမျိုး သုံးတာကို hard sell အီဒီယံအသုံးနဲ့ ရည်ညွန်းပြောဆိုပါတယ်။ ဒါအပြင် ရောင်းသူက ဝယ်သူကို အားပေါက်အောင် ပြောဆိုရတာ၊ မျက်နာမပူ၊ အားမနာ ဘယ်လိုပြောပြော တင်းခံပြီး မဝယ်တဲ့လူစားမျိုးကိုလည်း hard sell လို့ တင်စားပြောလို့ ရပါတယ်။

တယ်လီဖုန်းကတဆင့်ဆက်သွယ်ပြီး မဂ္ဂဇင်းတစောင် အတင်းအဓမ္မ ရောင်းဖို့ကြိုးစားနေတဲ့ အရောင်းသမားတယောက်အကြောင်း George Crows ပေးတဲ့ ဥပမာကို လေ့လာကြည့်ရအောင်ပါ။

"This salesman was so very aggressive. He wouldn't take 'no' for answer. He really used a hard sell. Finally, I got mad and told him I like the magazine, but his hard sell didn't work on me. Then, I hung up the phone on him"

"ဒီအရောင်းသမားက အတင်းအကြပ်ပါဘဲ။ ကျနော် ငြင်းဆိုတာကို လက်မခံဘူး။ ကျနော်ကို အတင်းအဓမ္မ ရောင်းနေတယ်။ ကျနော်လည်း ကြာတော့ ဒေါကန်လာပြီး ခင်များ မဂ္ဂဇင်းကိုတော့ ကျနော်ကြိုက်ပါရဲ့  ဒါပေမဲ့ အခုလို အတင်းအဓမ္မရောင်းတဲ့ ပုံစံမျိုးတော့ ကျနော်မကြိုက်ဘူးလို့ ပြောဆိုပြီး ဖုန်းကို ချလိုက်တယ်။"

ဒုတိယ တင်ပြပေးမယ့် အီဒီယံကတော့ hard hat ဖြစ်ပါတယ်။ Hard ခက်ခဲသည်၊ မာကျောသည်။ Hat ဦးထုပ် တို့ ဖြစ်ပါသည်။ Hard hat က တနည်းဆို helmet ဆိုတဲ့ ဝေါဟာရနဲ့လည်း အဓိပ္ပါယ် ဆင်ပါတယ်။ Hard hat ရဲ့  တိုက်ရိုက်အဓိပ္ပါယ်ကတော့ သံခမောက် (သို့မဟုတ်) ဆောက်လုပ်ရေးလုပ်သားတွေ အန္တရာယ်ကင်းရလေအောင် ဝတ်တဲ့ သံ (သို့မဟုတ်) ပလက်စတစ်အမာနဲ့ ပြုလုပ်ထားတဲ့ ခမောက်ကို ခေါ်ပါတယ်။ ဘေးအန္တရာယ်ကင်းဖို့အတွက် ခေါင်းကို ဒဏ်ရာ မရရလေအောင် စစ်တိုက်၊ မော်တော်ဆိုင်ကယ်စီး၊ စက်ဘီးစီးတဲ့အခါ ခေါင်းကို ကာကွယ်နိုင်အောင် ဆောင်းတာဖြစ်ပါတယ်။ ၁၉၆၀ ခုနှစ်က စတင်ပြီး ဒီ hard hat အသုံးက အခုလို ဆောက်လုပ်သားလုပ်သားတွေ၊ မီးပြင်ဆရာတွေ၊ ပိုက်ပြင်ဆရာတွေ အစရှိတဲ့ စက်ပြင်ဆရာတွေ အသုံးပြုတဲ့ ခမောက်ကို ဆိုလိုပါတယ်။ Hard hat ဆိုတဲ့ ဒီပုဂ္ဂိုလ်တွေရဲ့  နိုင်ငံရေးခံယူချက်ဟာ ရှေးရိုးကြတယ်၊ မျိုးချစ်စိတ်လည်း ရှိတာကို တွေ့ရပါတယ်။

ဥပမာ ဗီယက်နမ်စစ်ပွဲအတွင်းက ကောလိပ်ကျောင်းသားအများစုက စစ်ကိုဆန့်ကျင်ကြပေမယ့် ခမောက်ဆောင်း အလုပ်လုပ်သူအများစုကတော့ ထောက်ခံကြတာ တွေ့ရပါတယ်။ ဒီအသုံးနဲ့ ပတ်သက်လို့ George Crows ပေးထားတဲ့ ဥပမာကို လေ့လာကြည့်ရအောင်ပါ။

"Back thirty-five years ago, student groups and hard hats matched in public demonstration against each other's stand on the war. Sometimes these ended up in fights with both sides used their fists on each other."

"လွန်ခဲ့တဲ့ (၃၅) နှစ်က ကျောင်းသားအုပ်စုတွေနဲ့ ခမောက်ဆောင်းအလုပ်သမားတွေ စစ်နဲ့ ပတ်သက်ပြီး တဖက်နဲ့တဖက် ခံယူချက်တွေ ဆန့်ကျင်တဲ့ လူထုဆန္ဒပြပွဲတွေမှာ ချီတက်ခဲ့ကြတယ်။ တခါတရံလည်း ဒီလိုဆန္ဒပြပွဲတွေဟာ နှစ်ဖက် ထိုးကြိုက်ရန်ဖြစ်တာနဲ့ အဆုံးသတ်လေ ရှိပါတယ်။"

နောက်ဆုံးတင်ပြပေးမယ့် အီဒီယံအသုံးကတော့ a hard row hoe ဖြစ်ပါတယ်။ A = တခု၊ hard = ခက်သော၊ မာကြောသော၊ row = လိုင်းတလိုင်း၊ တန်းတတန်း၊ မြောင်းတမြောင်း၊ hoe = (နာမ်) ပေါက်ပြား။ (ကြိယာ) မြေကြီးကို ပေါက်ပြားနဲ့ တူးဆွသည် တို့ဖြစ်ပါတယ်။ စကားစုတစုလုံးရဲ့  တိုက်ရိုက်အဓိပ္ပါယ်က မြေကြီးကို တူးဆွရာမှာ ခက်ခက်ခဲခဲ တူးရတဲ့ မြောင်းတမြောင်း၊ လိုင်းတလိုင်း၊ တန်းတတန်းကို ဆိုလိုပါတယ်။

ဒီအသုံးက အမေရိကန်လယ်သမားတွေဆီက ဆင်းသက်လာတယ်လို့ ဆိုပါတယ်။ စိုက်ပျိုးပင်အတွေကို အတန်းလိုက်၊ မြောင်းအလိုက် စိုက်ရာမှာ မြေကြီးကို တူးဆွပြင်ဆင်ရမယ့်အတိုင်း ဒီတနေရာလုံးမှာ ခဲ၊ အုတ်စအုတ်ပဲ့တွေနဲ့ ပြည့်နှက်နေတဲ့အတွက်ကြောင့် တော်တော်လေး ခက်ခက်ခဲခဲ တူးဆွပြီး မြေကြီးကို ပြင်ဆင်ရမယ့်သဘောမျိုး ရှိတာကို နေ့စဉ်ဘဝ ရုန်းကန်နေထိုင်မှုမှာ တင်စားပြီးတော့ အီဒီယံအသုံးအရ အခက်အခဲက တောက်လျှောက်ဖြစ်နေတယ်။ ကိစ္စတခု အထမြောက်ဖို့ ခက်ခက်ခဲခဲ လုပ်ရမယ့်သဘောမျိုးကို ဆိုလိုတာဖြစ်ပါတယ်။ ခက်ရခက်ဆစ် လုပ်ရတယ့်သဘောဖြစ်ပါတယ်။

George Crows ပေးတဲ့ဥပမာမှာ ၁၉၄၈ ခုနှစ်က အမေရိကန်သမ္မတ ရွေးကောက်ပွဲမှာ အဲဒီအချိန်က သမ္မတ Harry Truman က နောက်ထပ် သမ္မတသက်တမ်းအတွက် ဝင်ရွေးချယ်ဖို့ စိုင်းပြင်နေတဲ့အချိန်ဖြစ်ပြီး သူပြန်အရွေးခံရဖို့ကလည်း သိပ်အခြေအနေ မကောင်းလှပါဘူး။ တဖက်မှာ Republican ပါတီက သမ္မတလောင်း Thomas Dewey ရှေ့ ပြေးနေတာ ဖြစ်ပါတယ်။ ဒါကြောင့် ရွေးကောက်ပွဲ ကျင်းပပြီးညမှာ မဲဆန္ဒအများစုတို့ကို ရေတွက်ပြီးပေမယ့် အဖြေထွက်ဖို့ စောင့်နေချိန်မှာ အမေရိကန်တနိုင်ငံလုံးက Thomas Dewey တယောက်ပဲ အနိုင်ရလိမ့်မယ်လို့ ယူဆပြီး အိပ်ယာဝင်ခဲ့ကြတာ ဖြစ်ပါတယ်။ ဒါပေမဲ့ နောက်တနေ့ အဖြေကတော့ ဘယ်လိုဖြစ်တယ်ဆိုတာကို လေ့လာကြည့်ရအောင်ပါ။

"But Americans woke up next day to discover that Truman was the winner. The campaign had been a hard row hoe for him, but it was one of the most remarkable election upsets in American history."

"ဒါပေမဲ့ နောက်တနေ့ အမေရိကန်နိုင်ငံသားတွေ အိပ်ယာက နိုးလာတဲ့အခါမှာတော့ Harry Truman အနိုင်ရသွားတာကို သိခဲ့ကြတယ်။ ဒီရွေးကောက်ပွဲ မဲဆွယ်လှုပ်ရှားမှုဟာ သမ္မတ Truman အတွက် အင်မတန်ကို ခက်ရခဲဆစ် ကြိုးစားခဲ့ရတဲ့ ယှဉ်ပြိုင်ပွဲတခုပါ။ ဒါကြောင့်လည်း ဒီရွေးကောက်ပွဲဟာ အမေရိကန်ရွေးကောက်ပွဲသမိုင်းမှာ အထူခြားဆုံး မှတ်သားလောက်တဲ့ ကဗြောင်းကပြန် ဖြစ်သွားတဲ့ ကိစ္စရပ်တခုထဲမှာ တခုအပါအဝင် ဖြစ်ပါတယ်။"

ဆက်ဖတ်ရန်>>>

Pinch စကားလုံး အီဒီယံအသုံးအနှုန်းများ

listen to voanews.com


အီဒီယံ အသုံးအနှုန်းများမှာ pinch pennies, in a pinch နဲ့ pinch hit တို့ ဖြစ်ကြပါတယ်။

ပထမဦးဆုံး တင်ပြပေးမယ့် အီဒီယံအသုံးအနှုန်းက pinch pennies ဖြစ်ပါတယ်။ Pinch ကတော့ ၀ါကျအသုံးပေါ်မှာ မူတည်ပြီး အဓိပ္ပါယ်အမျိုးမျိုး ရှိပါတယ်။ ဆိတ်တာ၊ လိမ်ဆွဲတာ၊ ညှပ်ဆွဲတာ စသည်တို့ ဖြစ်ပါတယ်။ ဒီနေရာမှာတော့ ငွေအသုံးနဲ့ ပတ်သက်လို့ စေ့စေ့စပ်စပ် ရှိတာကို ဆိုလိုပါတယ်။ Pennies ကတော့ ပြားစေ့ ဖြစ်ပါတယ်။ ဒါကြောင့် pinch pennies ရဲ့  တိုက်ရိုက်အဓိပ္ပါယ်ကတော့ ပြားစေ့တွေနဲ့ ပတ်သက်လာရင် စေ့စေ့စပ်စပ် ရှိတာကို ဆိုလိုပါတယ်။ Penny ပြားစေ့ကတော့ အမေရိကန်သုံးငွေ အကြွေးတန်းဖိုး တပြား ကို ဆိုလိုပါတယ်။ တဒေါ်လာမှာ ပြားတရာ ရှိပါတယ်။ ဒါကြောင့် လူတဦးက ပြားစေ့တွေအသုံးမှာ စေ့စေ့စပ်စပ် ရှိလာရင် ကျမတို့ မြန်မာစကားမှာ ပြောသလို တပြား၊ နှစ်ပြားကအစ သိတတ်တယ်၊ တပြား၊ နှစ်ပြား ခွာသုံးခြင်း ကို ဆိုလိုပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာမှာတော့ Joe ဆိုတဲ့ အိမ်နီးချင်းက ပစ္စည်းဥစ္စာ ပြည့်စုံပေးမယ့် သိပ်ကို ကပ်စေးနဲတဲ့အကြောင်း ပြောဆိုထားတာကို လေ့လာကြည့်ရအောင်ပါ။

"Joe and his wife certainly like to pinch pennies. They both have good jobs, but they drive an old car, buy cheapest clothes they can find, never go out to eat or see a movie, but one thing assure they have plenty of money when they retire."

"Joe နဲ့ သူ့ဇနီးကတော့ တကယ့်ကို တပြားနှစ်ပြားခွာသူတွေပါ။ နှစ်ဦးစလုံး အလုပ်အကိုင်တွေ ကောင်းကြပေမယ့် မော်တော်ကားအဟောင်းကြီးကိုပဲ စီးကြတယ်။ အ၀တ်ဆိုလည်း ဈေးပေါတာကို ရှာဝယ်ကြတယ်။ အပြင်မှာလည်း ၀ယ်မစား၊ ရုပ်ရှင်လည်း ထွက်မကြည့်။ ဒါပေမဲ့ တခုတော့ သေချာတာကတော့ သူတို့ ပင်စာစားကြတဲ့အခါကြရင် ငွေတွေ အများကြီး ရှိကြလိမ့်မယ်။"

ဒုတိယတင်ပြပေးမယ့် အီဒီယံအသုံးကတော့ in a pinch ဖြစ်ပါတယ်။ In အထဲမှာ၊ အချိန်အတောအတွင်း။ Pinch က ဒီနေရာမှာ အရေးပေါ် အခြေအနေ၊ အရေးကြီးတဲ့ အခြေအနေ၊ အကြပ်အတည်း တို့ ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ အရေးကြီးတဲ့အချိန်၊ အရေးပေါ်အချိန်၊ အကြပ်အတည်းနဲ့ ကြုံတွေ့နေရတဲ့အချိန် ဖြစ်ပါတယ်။ အီဒီယံသွယ်ဝိုက်အဓိပ္ပါယ်ကလည်း ဘေးကျပ်နံကျပ်နဲ့ ကြုံလာချိန်၊ အရေးပေါ်အချိန်မှာ ဖြတ်ထိုးဥာဏ်သုံးပြီး အလုပ်ဖြစ်အောင်၊ မဖြစ်ဖြစ်အောင် လုပ်နိုင်တဲ့သဘောမျိုး ဖြစ်ပါတယ်။ ဥပမာ ဒဏ်ရာရလို့ ပတ်တီးစီးရဖို့ ရှိတဲ့အခါမှာ ပတ်တီးမရှိတဲ့အခါမှာ အ၀တ်စနဲ့ အစားထိုးစီးလိုက်ရတဲ့ သဘောဖြစ်ပါတယ်။ အခက်အခဲနဲ့ ကြုံတွေ့ရတဲ့အခါ အဆင်ပြေအောင် ပြုလုပ်နိုင်တဲ့သဘောမျိုး ဖြစ်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာမှာတော့ သူ့ကားမှာ တပ်ထားတဲ့ တာယာတွေက ဂတုံးနီးပါးဖြစ်နေ ကားအပိုဘီးလည်း မကောင်းတဲ့ အခြေအနေမျိုးမှာ ဖြစ်ပါတယ်။

"I'm afraid anyone of my tires will go flat any time. My spare tire is bald and leak air, but I hope in a pinch it lasts long enough to let me get to a nearest gas station where I can get some help."

"ကျနော့် ကားတာယာတွေဟာ ဘယ်အလုံးမှာ လုံးလုံးစိတ်မချရဘူး။ အချိန်မရွေး ပေါက်သွားနိုင်လို့ စိုရိမ်နေမိတယ်။ အပိုတာယာကလည်း ဂတုံးဖြစ်နေပြီး လေကလည်း စိမ့်ထွက်နေတယ်။ ဒါပေမဲ့ ဒီအခြေအနေမှာတော့ အကူအညီ ရနိုင်တဲ့ ဓါတ်ဆီဆိုင်အထိတော့ ဒီအပို ကားတာယာက ခံနိုင်လိမ့်မယ်လို့ မျှော်လင့်ပါတယ်။"

နောက်ဆုံးတင်ပြပေးမယ့် အီဒီယံအသုံးကတော့ pinch hit ဖြစ်ပါတယ်။ Pinch ကတော့ အထက်ပါ တင်ပြခဲ့တဲ့ အဓိပ္ပါယ်များအတိုင်း ဖြစ်ပါတယ်။ Hit ကတော့ ရိုက်နှက်သည် ဖြစ်ပါတယ်။ ဒီအသုံးအနှုန်းက အမေရိကန် ဘေ့စ်ဘော (baseball) ကစားနည်းက လာတာဖြစ်ပါတယ်။ ဘေ့စ်ဘောကစားသမားက တဖက်အသင်းကပေးတဲ့ ဘောလုံးကို ရိုက်ဖို့ ရိုက်တံကို လွှဲပြီးချိန်ရွယ်ထားပြီး ဘောလုံးကို အားနဲ့ရိုက်လိုက်လို့ ဘောလုံးက အဝေးကြီးရောက်သွားရင် သူ့အနေနဲ့ ကွင်းကို ပတ်ပြေးနိုင်ပြီး အသင်းအတွက် အမှတ်ရယူနိုင်တာ ဖြစ်ပါတယ်။ အဲဒါကတော့ Hit ဖြစ်ပါတယ်။ Pinch hit ကတော့ အဲဒီလို ရိုက်တဲ့ ပုံမှန်အားကစားသမားက ဒဏ်ရာရလို့ဖြစ်စေ၊ တခုခုဖြစ်လို့ဖြစ်စေ ဆက်မကစားနိုင်တော့ရင် သူ့နေရာကို အစားထိုးတဲ့လူ၊ သို့မဟုတ် နဂိုလူထက် ပိုရိုက်ချက်ကောင်းအောင် ကစားနိုင်တဲ့လူကို အစားထိုးရိုက်တာကို ခေါ်ဆိုပါတယ်။ နေ့စဉ်အသုံးမှာတော့ လုပ်ငန်းတခုခုမှာ အရေးပေါ် အခြေအနေကြောင့် အစားထိုးခံရတဲ့လူကို pinch hit လို့ ခေါ်ပါတယ်။

အခုပေးမယ့် ဥပမာမှာတော့ Mr. Warran ရဲ့  မန်နေဂျာက နှလုံးရောဂါ အတွက် အရေးပေါ် ခွဲစိတ်ခံယူရမယ့် အခြေအနေကြောင့် ဖြစ်ပါတယ်။ George Crows ပေးတဲ့ အောက်ပါဥပမာကို လေ့လာကြည့်ရအောင်ပါ။

"Mr. Warran was out two months recovering from his operation. His assistant Katie Lee was asked to pinch hit for it. She is very young, of course. But, she did such a great job we thought she takes over his office when he retires next year."

"Mr. Warran အနေနဲ့ ခွဲစိတ်ကုသမှု ခံယူပြီး နှစ်လအကြာ အနားယူရမှာ ဖြစ်ပါတယ်။ သူ့ရဲ့  လက်ထောက် Katie Lee ကို အရေးပေါ် သူ့အစား တာဝန်ယူဖို့ ပြောထားတယ်။ တကယ်တော့ သူက ငယ်ရွယ်ပေမယ့် အလုပ်မှာ သိပ်ကိုတော်လို့ နောက်နှစ် သူ့ဆရာ အနားယူရင်တော့ ဒီအလုပ်ကို သူမဆက်ပြီး တာဝန်ယူရလိမ့်မယ်လို့ ကျနော်တို့ ထင်ပါတယ်။"

ဆက်ဖတ်ရန်>>>

Lock, Hook and Salt အီဒီယံ အသုံးအနှုန်းများ

listen to voanews.com

အီဒီယံ အသုံးအနှုန်းများမှာ lock, stock, and barrel; hook, line, and sinker နဲ့ to take it with a pinch (grain) of salt တို့ ဖြစ်ကြပါတယ်။

ပထမ တင်ပြပေးမယ့် အီဒီယံအသုံးအနှုန်းက lock, stock, and barrel ဖြစ်ပါတယ်။ ဒီ စကားလုံးသုံးလုံးတွဲ အီဒီယံက လုံးဝဥသုံ၊ တခုလုံး၊ အပြီအပြတ် နောက်ထပ်လုံးဝမရှိ စတဲ့ အဓိပ္ပါယ်များဆောင်ပါတယ်။ ဒီ အီဒီယံ အသုံးအနှုန်းဖြစ်ပေါ်လာခဲ့တာ နှစ်ပေါင်းရာနဲ့ချီရှိခဲ့ပါပြီ။ သေနတ်ကို အကြောင်းပြပြီးတော့ ဆင်းသက်လာတဲ့ အီဒီယံအသုံးအနှုန်း ဖြစ်ပါတယ်။ သေနတ်မှာပါတဲ့ အပိုင်း (၃) ပိုင်းကို ရည်ညွှန်းတာဖြစ်ပါတယ်။ Lock က သေနတ်မောင်းခလုတ်၊ Stock က သေနတ်ဒင်၊ Barrel သေနတ်ပြောင်း တို့ဖြစ်ပါတယ်။ သေနတ်တလက်မှာ ပါရမယ့် အင်္ဂါရပ်တွေ အပိုင်းအပြည့်အစုံ သဘောအတိုင်း ဒီအသုံးက ရည်ညွှန်းသုံးထားတာ ဖြစ်တဲ့အတွက်ကြောင့် lock stock and barrel လို့ ဆိုရင် အားလုံးအကုန် လုံးဝဥသုံပါတယ်လို့ အဓိပ္ပါယ်ဆောင်ပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

"Mr. Rockefeller bought the whole oil company lock, stock, and barrel"
"ရေနံကုမ္မဏီတခုလုံး အားလုံးကို မစ္စတာ ရော့ခ်ကဖဲလား က ဝယ်ယူလိုက်တယ်။"

ဒီ အီဒီယံအသုံးကတော့ ကော်ပိုရေးရှင်းတခုလုံးကို ဝယ်လိုက်တဲ့နေရာမှာ အဆောက်အဦးအားလုံး၊ ရေနံတွင်းအားလုံး နဲ့ တခြားရပိုင်ခွင့်အားလုံးကို အကြုံဝင်တဲ့ အသုံးအနှုန်းအနေနဲ့ သုံးလိုက်တာဖြစ်ပါတယ်။

ဒုတိယ တင်ပြပေးမယ့် အီဒီယံအသုံးအနှုန်းက hook, line, and sinker ဖြစ်ပါတယ်။ မြန်မာဆိုရိုးစကားတွေဟာ ဓလေ့ကို အခြေခံသလို အင်္ဂလိပ်ဘာသာမှာလည်း ဓလေ့ကို အခြေခံပြီး ဆင်းသက်လာတဲ့ အသုံးအနှုန်းတွေ ရှိပါတယ်။ Hook က ငါးမျှားချိတ်၊ Line က ငါးမျှားကြိုး နဲ့ Sinker က ခဲသီး တို့ဖြစ်ပါတယ်။ ဒီအသုံးအနှုန်းက ငါးမျှားသူများဆီက ဆင်းသက်လာတာဖြစ်ပါတယ်။ ငါးမျှားစာကို ဟပ်မိတဲ့ ငါးအနေနဲ့ ငါးမျှားချိတ်ကိုသာမက ငါးမျှားကြိုးကို ရေထဲနစ်အောင်လေးစေတဲ့ ခဲသီးကိုပါ မြိုချမိတဲ့ ငါးတကောင်ရဲ့  ဥပမာလို ပြောသမျှ၊ လိမ်သမျှအားလုံးကို ယုံနေတတ်တာကို hook, line and sinker ဆိုတဲ့ အသုံးအနှုန်းနဲ့ တင်စားပြောဆိုနိုင်ပါတယ်။ ဒါကြောင့် only a fool will swallow such a big lie hook, line and sinker လို့ ပြောလေ့ရှိကြပါတယ်။ ဥဏှောက်မရှိတဲ့ လူနလူအတွေဘဲ အခုလို ဗြောင်လိမ်တာကို မစဉ်းမစား လုံးဝယုံမှာဖြစ်တယ်လို့ အဓိပ္ပါယ်ရပါတယ်။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

"I warned Sally not to believe that man's story about how rich he was, but she swallowed them hook, line and sinker. After she married him, she found out he owed money to everybody in his office."

"ကျနော် Sally ကို သတိပေးခဲ့တယ်။ ဒီလူက သူဘယ်လောက် ချမ်းသာသလဲဆိုတာကို ပြောပြတဲ့ဇာတ်လမ်းတွေကို မယုံပါနဲ့လို့။ ဒါပေမဲ့ Sally တယောက်ကတော့ သူပြောတာတွေကို အကုန်ယုံခဲ့တယ်။ ဒီလိုနဲ့ သူနဲ့ လက်ထပ်ပြီးတဲ့နောက် သူ့ရုံးရှိ လူတွေကို အကြွေးတင်ပေးရမှာကို သိခဲ့ရတယ်။"

တကယ်တော့ အခုလို ညာလုံးဖြီးလုံးတွေကို ချင့်ချိန်ပြီးယုံသင့်ပါတယ်။ အင်္ဂလိပ်ဘာသာမှာ ချင့်ချိန်ပြီး ယုံသင့်တာကို to take it with a grain (pinch) of salt ဖြစ်ပါတယ်။ To take က ယူပါ၊ It က ဒီနေရာမှာ နာမ်စား တခုဖြစ်ပြီး With က နှင့်၊ Pinch က တတို့ နဲ့ Salt က ဆား တို့ ဖြစ်ပါတယ်။ စကားစုတခုလုံးရဲ့  လုံးကောက်အဓိပ္ပါယ်က ဆားတတို့နဲ့ အဲဒါကို ချင့်ယုံပါ ဖြစ်ပါတယ်။ ဒီအသုံးဆင်းသက်လာတဲ့ သမိုင်းကတော့ ရှေးတုန်းက အဆိပ်အတောက်ကို ပြေစေတဲ့ ဆေးဖော်နည်းမှာ တခြားဆေးဖက်ဝင်တဲ့ ဆေးပစ္စည်းတွေအပြင် ဆားတတို့လည်း ပါတယ်လို့ ဆိုကြပါတယ်။ ဒါကြောင့်မို့ ဘယ်လိုဘဲ အန္တရာယ်ဖြစ်စေမဲ့ အဆိပ်ကိုဘဲ ခပ်ခပ် ဆားတတို့၊ ဆားတမှုန် နဲ့ တွဲစားနိုင်ရင် အန္တရာယ်ကို ပေါ့စေတဲ့သဘော ဖြစ်ပါတယ်။

ဒါကြောင့် ပြောသမျှကို မယုံနဲ့ ဆားတတို့လောက်နဲ့ ယှဉ်ပြီးတော့ ယုံပါ။ ဆားတတို့က ဥာဏ်အမြော်အမြင် ကို ဆိုလိုခြင်း ဖြစ်ပါတယ်။ ဥာဏ်အမြော်အမြင်နဲ့ ချင့်ချိန်ယုံလို့ ဆိုလိုတာ ဖြစ်ပါတယ်။

ဆားတတို့အစား နောက်တမျိုးပြောနိုင်တာက to take it with a grain of salt ဖြစ်ပါတယ်။ ဒီနေရာမှာ grain က ဆားတပွင့် ဖြစ်ပါတယ်။ ဒီအတွက် pinch နဲ့ grain စကားလုံးကို အစားထိုးသုံးနိုင်ပါတယ်။ သင်္ကာမကင်း အခြေအနေ၊ အကြောင်းအရာတခုခုကို ဆားတပွင့် အသိပညာ ဆင်ခြင်ဥာဏ်နဲ့ သုံးသပ်ပြီး ယုံသင့်တယ်လို့ သွယ်ဝှက်အဓိပ္ပါယ် ရပါတယ်။ မြန်မာမှာတော့ လေလုံးထွားတတ်သူတွေရဲ့  ပြောစကားကို သုံးခွက်တခွက်ကြိုပြီးယုံပါလို့ ပြောဆိုကြတယ် မဟုတ်လား။

ဒီအသုံးနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်ပါ။

"Uncle Tom tells some great stories, but he sometimes makes things up. So, we take what he said with a grain of salt."

"ကျနော်တို့ ဦးလေး တွမ် ဇာတ်လမ်းတွေအများကြီး ပြောဆိုတတ်တယ်။ ဒါပေမဲ့ သူဇာတ်လမ်းတွေက တခါတလေ လုပ်ဇာတ်တွေ ဖြစ်တယ်။ ဒါကြောင့် ကျနော်တို့က သူပြောသမျှကို ချင့်ချိန်ယုံကြတယ်။"

ဆက်ဖတ်ရန်>>>

Skin ဆိုင်ရာ အီဒီယံ အသုံးအနှုန်းများ

listen to voanews.com


skin (အရေပြား) နဲ့ ပတ်သက်တဲ့ အီဒီယံအသုံးအနှုန်းများမှာ skin game, jumping-out of the skin, skinflint နဲ့ all skin and bones တို့ ဖြစ်ပါတယ်။

Skin စကားလုံးဝေါဟာရ အဓိပ္ပါယ်ကို အင်္ဂလိပ် အဘိဓာန်ထဲမှာ ရှင်းလင်းချက် အမျိုးမျိုးပေးထားပေမယ့် skin ဆိုတာ လူ့ခန္ဓာကိုယ်ကို ဖုံးလွမ်းနေတဲ့ အရေပြားလို့ အများသိထားကြပါတယ်။ ကြိယာအနေနဲ့ အသုံးပြုရင် skin ရဲ့  အဓိပ္ပါယ်ဟာ ပြောင်းလဲသွားပြီး တဦးတယောက်အပေါ်မှာ ငွေလိမ်ယူတာ ဖြစ်ပါတယ်၊ ဘမ်းစကားအားဖြင့် နွှာယူတဲ့ သဘောဖြစ်ပါတယ်။ skin ဝေါဟာရကို အသုံးပြုလာတာ နှစ်ပေါင်း နှစ်ရာကျော် ရှိခဲ့ပြီလို့ မှတ်တမ်းများမှာ တွေ့ရှိရပါတယ်။

ပထမဦးဆုံး တင်ပြပေးမယ့် အီဒီယံအသုံးကတော့ skin game ဖြစ်ပါတယ်။ Skin က အရေပြား၊ Game က ကစားနည်းဖြစ်ပါတယ်။ စကားစုကို တိုက်ရိုက်ပြန်ဆိုရင် အရေပြား ကစားပွဲ လို့ ဆိုနိုင်ပေမယ့် အီဒီယံဘမ်းစကားမှာတော့ မတရားတဲ့ လောင်ကစားပွဲ (ဖဲဝိုင်း) ကို ဆိုလိုပါတယ်။

ဒီအသုံးနဲ့ ပတ်သက်ပြီး George Crows ပေးတဲ့ ဥပမာကို လေ့လာကြည့်ရအောင်ပါ။

"In a bar in Chicago last week, these three guys invited me to a friendly poker game. They let me win the first couple of hands and then up the stage. Do you know I lost five thousand bucks by the time I realized I have been caught in a skin game?"

"ပြီးခဲ့တဲ့ သတင်းပတ်တုန်းက ရှိကာကို အရက်ဆိုင်တဆိုင်မှာ လူသုံးယောက်က ကျနော့်ကို မိတ်ဖွဲ့လာပြီး ဖဲကစားဖို့ ဖိတ်ခေါ်ခဲ့ကြတယ်။ ဝိုင်းအစမှာတော့ ကျနော့်ကို သူတို့ အနိုင်ပေးခဲ့ပြီး လောင်းကြေးကို မြှင့်ခဲ့ကြတယ်။ သူတို့ပေါင်းပြီး ကျနော်ကို ဝိုင်းနွှာကြတယ်ဆိုတာကို ကျနော်သိတဲ့အချိန်မှာတော့ ဒေါ်လာ ငါးထောင် ရှုံးနေတဲ့အခြေအနေ ရောက်နေပါပြီ။"

ဒုတိယတင်ပြပေးမယ့် အီဒီယံအသုံးကတော့ jumping-out of the skin (with surprise) ဖြစ်ပါတယ်။ Jumping-out က ခုန်ထွက်လာသည်၊ skin က အရေပြား နဲ့ with surprise က ရုတ်တရက် အံ့အားသင့်ခြင်း ဖြစ်ပါတယ်။ စကားစုတခုလုံးရဲ့  အဓိပ္ပါယ်ကတော့ ရုတ်တရက် မမျှော်လင့်တာနဲ့ တွေ့ကြုံရတဲ့ လူတဦးဟာ လိပ်ပြာလန့်မတက် ဖြစ်သွားတဲ့ သဘောကို ဆိုလိုပါတယ်။ အရေပြားနဲ့ ခန္ဓာကိုယ် ကွာမတက် လန့်တဲ့သဘောပေါ့၊ မြန်မာတွေ ပြောကြတဲ့ သဲထိုက်ရင်ဖို မျက်ကလဲ ဆန်ပြာ ဖြစ်ရတဲ့ သဘောမျိုး၊ ကြောက်စရာ လန့်စရာ ကြုံတွေ့ရရင် အန္တရာယ်က မိုးကြိုးသွား ပစ်သလို ဒိုင်းကနဲ့ ရှေ့ တည့်တည့်ရောက်လာခဲ့ရင် လူ့ခန္ဓာကိုယ်ရဲ့  တုန့်ပြန်မှုကို Jumping-out of the skin နဲ့ ရည်ညွှန်းအသုံးပြုလို့ ရပါတယ်။ တခါတရံ မမျှော်လင့်ဘဲ ဝမ်းသာလုံးစို့တဲ့ အဖြစ်မျိုးနဲ့ ကြုံတွေ့ရရင်လည်း ဒီအသုံးအနှုန်းကို အသုံးပြုပြောဆိုနိုင်ပါတယ်။

ဝမ်းသာစရာအဓိပ္ပါယ်နဲ့ ပတ်သက်ပြီး George Crows ပေးထားတဲ့ ဥပမာကို လေ့လာကြည့်ရအောင်ပါ။

"When the door opened, I almost jumped-out of my skin. There was my brother arms loaded with Christmas presents. He lives all the way out in California, but he decided to surprise me by flying to Washington for Christmas."

"တခါးဖွင့်လိုက်တော့ ကျနော် တအံ့တသြ လှိုက်မောဝမ်းသာဖြစ်သွားခဲ့တယ်။ ကျနော့်ရှေ့မှာ ကျနော့်ညီငယ်ဟာ ခရစ်စမတ်လက်ဆောင်တွေ တပွေ့တပိုက်ကြီးနဲ့ ရောက်နေလို့ပဲ။ သူဟာ ဟို ကယ်လီဖိုးနီးယားပြည်နယ်မှာ နေတာဖြစ်ပြီး ခရစ်စမတ်အတွက် ကျနော်တို့ကို ရုတ်တရက် ဝမ်းသာရအောင် ဝါရှင်တန်ကို လေယာဉ်နဲ့လာခဲ့ခြင်းဖြစ်တယ်။"

နောက်ထပ် အီဒီယံအသုံးကတော့ skinflint ဖြစ်ပါတယ်။ ဒီနေရာမှာ skin စကားလုံးကို flint ဆိုတဲ့ စကားလုံးနဲ့ တွဲသုံးထားတာ ဖြစ်ပါတယ်။ flint အဓိပ္ပါယ်မှာ မီးမွှေးရာမှာ အသုံးပြုတဲ့ မီးခတ်ကျောက်ကို ခေါ်ခြင်းဖြစ်ပါတယ်။ နာမဝိသေသန ဖြစ်တဲ့ flinty ကတော့ မာကြောခက်ထန်တဲ့ သဘောရပါတယ်။ ပေါင်းစုတွဲ စကားလုံး skinflint အဓိပ္ပါယ်ကတော့ သူဖို့ကလွဲရင် ဘယ်သူအတွက်မှာ မသိတက်တဲ့ လူ့ ကပ်စီးနည်း ကော်တရာကြီး လို့ အဓိပ္ပါယ် ရပါတယ်။

ဒီအသုံးနဲ့ ပတ်သက်လို့ George Crows ပေးထားတဲ့ အောက်ပါဥပမာကို လေ့လာကြည့်ရအောင်ပါ။

"Oh, there's Mr. Grey. I bet he has a million dollar in a bank, but he is such a skinflint that's his wife and daughter dress like baggers. And, never get to go out."

"ဟိုမှာ လာနေတာ မစ္စတာ Grey တယောက်ပေါ့။ ကျနော် လောင်းရဲတယ်ဗျာ သူရဲ့  ဘဏ်ထဲမှာ အနည်းဆုံး ဒေါ်လာတစ်သန်းလောက် ရှိတယ်။ ဒါပေမယ့် သူက ဘယ်လောက် ကပ်စီးနည်း ကော်တရာ ဖြစ်လည်းဆိုရင် သူ့ဇနီး နဲ့ သမီးတို့ဟာ အဝတ်အစားဝတ်တာ စုတ်စုတ်ပြတ်ပြတ်ဖြစ်ပြီး အပြင်ကိုလည်း ဘယ်မှပေးမသွားဘူး။"

နောက်ဆုံးတင်ပြပေးမယ့် အီဒီယံအသုံးကတော့ all skin and bones ဖြစ်ပါတယ်။ all က အားလုံး၊ skin က အရေပြား နဲ့ bones ကတော့ အရိုးများ ဖြစ်ပါတယ်။ အရိုး နဲ့ အရေပြားတွေဘဲ လို့ တိုက်ရိုက်ပြန်ဆိုနိုင်ပါတယ်။ ဒီအသုံးနဲ့ ဆင်တူယိုးမား ကျမတို့ မြန်မာစကားမှာလည်း အရိုးပေါ်အရေတင် အသုံးအနှုန်း ရှိပါတယ်။

ဒီအသုံးနဲ့ ပတ်သက်တဲ့ George Crows ပေးထားတဲ့ အောက်ပါဥပမာကို လေ့လာကြည့်ရအောင်ပါ။

"Have you seen Henry lately? For two months, he has been on this special diet to lose weight. Well, he is taking off forty pounds, and now he is all skin and bones."

“Henry တယောက်ကို အခုတလော တွေ့မိသေးလား။ သူဟာ ကိုယ်အလေးချိန်လျှော့ဖို့ အစားလျှော့နေတာ နှစ်လလောက်ရှိသွားပြီ။ အခု သူ ပေါင်လေးဆယ်လျှော့သွားလို့ အရိုးပေါ်အရေတင် ဖြစ်နေပြီ။

ဆက်ဖတ်ရန်>>>

Face စကားလုံး အီဒီယံ အသုံးအနှုန်းများ

listen to voanews.com

ဒီတပတ် တင်ပြပေးထားတဲ့ အီဒီယံ အသုံးအနှုန်းများမှာ Straight face နဲ့ Straight man တို့ ဖြစ်ပါတယ်။

ပထမဦးဆုံး တင်ပြပေးမယ့် အီဒီယံ အသုံးအနှုန်းမှာ Straight face ဖြစ်ပါတယ်။ Straight က တည့်မတ်သည်၊ face က မျက်နှာ ဆိုတော့ စကားစုတခုလုံးရဲ့  လုံးကောက် အဓိပ္ပာယ်ကတော့ တည့်မတ်တဲ့မျက်နှာ ဖြစ်ပါတယ်။ အီဒီယံ အသုံး သွယ်ဝိုက်အဓိပ္ပာယ်ကတော့ ရယ်စရာ တွေ့လို့ မရယ်မမော မြိုသိပ်ထားခြင်း၊ မျက်နှာ တည်တည်ထားရတဲ့ အနေအထား၊ တနည်းဆိုရင် ခံစားချက် အမူအရာကို မပြဘဲ မျက်နှာကို တည်တည်ထားခြင်းကို ဆိုလိုပါတယ်။ နောက်တမျိုးက သူတပါးကို နောက်ပြောင်ပြီး မိမိ လက်ချက် ဖြစ်တယ်ဆိုတာ မသိအောင် မသိချင်ယောင် ဆောင်ပြီး မျက်နှာကို ရှုတည်တည် ထားခြင်း၊ မျက်နှာပိုးသပ်ထားတဲ့ မျက်နှာမျိုးကို ဆိုလိုပါတယ်။

အောက်ဖော်ပြပါ ဥပမာကတော့ ပျော်ပွဲစားတခု ထွက်ရာမှာ ကိုယ့်ဆရာသမား လှေစီးဖို့ လှေပေါ်ကို အတက်မှာ မတော်လို့ ရေထဲချော်ကျသွားတာကို မြင်ရတဲ့ တပည်က မရယ်မိအောင် မနည်းထိန်းထားရတဲ့ George Crows ပေးမယ့် ဥပမာကို လေ့လာကြည့်ရအောင်ပါ။

"When I saw him climb out all wet and muddy, it was so funny. It was hard to keep a straight face. But, I knew if I laughed, I'b be in trouble at the office next day."

"သူ့ တစ်ကိုယ်လုံး ရေတွေ ရွှံ့တွေလူးပြီး မြင်ရတော့ သိပ်ကို ရယ်စရာ ကောင်းလွန်းလို့ မရယ်မိအောင် မနည်းထိန်းချုပ် ထားရတယ်။ ဒါပေမဲ့ ကျနော် သိပါတယ်။ ကျွန်တော် ရယ်မိရင်တော့ နောက်တနေ့ ရုံးရောက်ရင် ကျနော့်ကို ပြဿနာလုပ်မှာ သေချာတယ်။"

မျက်နှာကို ဣနြေ္ဒလုပ် မပျက်ဆယ်ထားနိုင်ရင် ခပ်တည်တည် ထားနိုင်ရင် တခါတရံတော့ သိပ်ကို အသုံးဝင်လှပါတယ်။ ဒီအချက်က အမေရိကန်နိုင်ငံမှာ ကစားတဲ့ ပိုကာ (poker) ဖဲဝိုင်းမှာ အထူး အသုံးဝင်ပါတယ်။ ပိုကာ ကစားဝိုင်းမှာ ကစားသမားတွေက တယောက် မျက်နှာ တယောက် ကြည့်ပြီး သူ့ဖဲကိုယ့်ဖဲ အခြေအနေကို ခန့်မှန်း ကြပါတယ်။ ဖဲကောင်းတဲ့ မျက်နှာ ဖဲမကောင်းတဲ့ မျက်နှာ ဘယ်လိုဆိုပြီး အကဲခတ်လေ့ ရှိရာမှာ ကိုယ့်ဖဲ ဘယ်လောက်ကောင်းကောင်း ဘယ်လောက်အခြေအနေ ဆိုးဆိုး မျက်နှာအမူအရာ ကွယ်ဝှက်ထားနိုင်တဲ့ ဖဲသမားက တပန်းသာပါတယ်။ ဒီနေရာမှာ မျက်နှာသေ ထားနိုင်တယ်လို့ အဓိပ္ပါယ်ယူရင်တော့ ပိုပြီသင့်တော်ပါလိမ့်မယ်။

ညီမဖြစ်သူက ဒီလိုနေရာမျိုးမှာ ဘယ်လောက်တော်တဲ့အကြောင်း George Crows ပေးတဲ့ ဥပမာကို လေ့လာကြည့်ကြရအောင်ပါ။

"Sue usually wins the poker. She keeps the same straight face whether she has four aces or nothing at all in her hands. Her cards usually surprise you, so be ready to lose some money."

"Sue တယောက်က ပိုကာ ကစားတဲ့အခါ အများအားဖြင့် နိုင်လေ့ရှိပါတယ်။ သူ့ လက်ထဲမှာ တစ်ဖဲ လေးချပ်လောက် ရှိနေရင်ဖြစ်စေ၊ သူလက်ထဲမှာ ဘယ် ဖဲ ကောင်းကောင်းမှ မရှိတဲ့အခါဖြစ်စေ သူက မျက်နှာသေနဲ့ သိပ်ကို နေနိုင်တယ်။ သူ့ ဖဲတွေဟာ အများအားဖြင့် မမျှော်လင့်တဲ့ ဖဲတွေဖြစ်တဲ့အတွက် ခင်ဗျား သူ့ကို ဖဲရှုံးပြီး ငွေပေးဖို့သာ ပြင်ပေးတော့။"

Straight ကို အခြေခံတဲ့ နောက်တင်ပြပေးမယ့် အီဒီယံအသုံးကတော့ straight man ဖြစ်ပါတယ်။ Straight က ဖြောင့်သော၊ မတ်သော၊ Man က လူ ဖြစ်ပါတယ်။ ဖြောင့်မတ်သောလူ၊ တည်တည်တန့်တန့် ရှိသောလူ လို့ လုံးကောက်အဓိပ္ပါယ် ပြန်ဆိုနိုင်ပါတယ်။ အီဒီယံ အသုံးမှာတော့ သူတပါး ပေါ်လွင် ထင်ရှားဖို့အတွက် အဖြည့်ခံ လူလို့ အဓိပ္ပါယ် ဆောင်ပါတယ်။

အခုတင်ပြပေးမယ့် ဥပမာမှာ လူရွှင်တော်က မြူးသလောက် သူက ထုံအအကြီးနဲ့ နေရလို့ ဖြစ်ပါတယ်။ ပြဇာတ်ရုံတွေက ဆင်းသက်လာတဲ့ စကားဖြစ်ပါတယ်။ အမေရိကန် ရုပ်မြင်သံကြား အစီအစဉ်တွေမှာ အဖြည့်ခံသရုပ်ဆောင်ရသူက ကင်မရာရှေ့ မှာ ရပ်နေရပြီး သူပြောတဲ့ စကားအပေါ် လူရွှင်တော်က ပြက်လုံးဟာသထုတ်လေ့ ရှိပါတယ်။ တခါတလေမှာ သူကို ပြစ်မှတ်ထားပြီး လူရွှင်တော်က ပြတ်လုံးထုတ် တတ်ပါတယ်။ ဒီလိုအလုပ်မျိုးကို လူတကာတော့ သိပ်မလုပ်ချင်ကြ ပါဘူး။ ဘာကြောင့်လည်းဆိုတော့ သူက ထုံအအ နဲ့ အဖြည့်ခံရသူဖြစ်ပြီး ပရိသတ်က လူရွှင်တော်ကိုဘဲ ပွဲကျကြလို့ ဖြစ်ပါတယ်။

ပထမအနေနဲ့ ကမ္ဘာကျော် ဟာသ သရုပ်ဆောင်တဦးအတွက် အဖြည့်ခံသရုပ်ဆောင် လုပ်ရပုံအကြောင်း George Crows ပေးတဲ့ ဥပမာကို လေ့လာကြည့်ရအောင်ပါ။

"My job as a straight man is to set up his jokes and act dumb, so he can make people laugh at me. He pays me well though. He knows I won of the best straight man in the business, and he wouldn't be half as funny without me."

"သူ့အတွက် အဖြည့်ခံလူအဖြစ် ကျွန်တော် လုပ်ပေးရတဲ့ တာဝန်က သူ့ ပြက်လုံးတွေကို သရုပ်ဆောင်ပေးရပြီး ခပ်ထုံထုံနဲ့ နေပေးရတယ်။ ဒါမှ ကျနော်ကို ကြည့်ပြီး ပွဲကြည့်သူတွေ ရယ်အောင် သူက လုပ်နိုင်မယ်။ သူက ကျနော်ကို ပိုက်ဆံ အတော်များ ပေးပါတယ်။ ကျနော်ဟာ သူ့ စီးပွားရေး လုပ်ငန်းမှာ လူထုံလူအ အဖြစ် သရုပ်ဆောင်ရာမှာ အကောင်းဆုံး တယောက် ဖြစ်တယ်ဆိုတာ သူ သိနေပါတယ်။ ကျနော် မပါဘဲနဲ့ သူ့ သရုပ်ဆောင်မှုက ရယ်စရာ ကောင်းမှာ မဟုတ်ဘူး။"

ဆက်ဖတ်ရန်>>>

Lunch စကားလုံး အီဒီယံ အသုံးအနှုန်းများ

်listen to voanews.com


English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံအသုံးအနှုန်းများကတော့ a free lunch, power lunch, hand somebody his lunch နဲ့ out to lunch တို့ဖြစ်ပါတယ်။

ပထမတင်ပြပေးမယ့် အီဒီယံအသုံးက a free lunch ဖြစ်ပါတယ်။ A က တခု၊ Free က အလကား၊ အခမဲ့၊ Lunch က နေ့လည်စာ တို့ဖြစ်ပြီး စကားစုတခုလုံးရဲ့  တိုက်ရိုက်အဓိပ္ပါယ်ကတော့ အလကားစားရတဲ့ နေ့လည်စာ ဖြစ်ပါတယ်။ ဒီအသုံးနဲ့ ပတ်သက်တဲ့ အမေရိကန် ဆိုရင်စကားတခုကို ပထမဦးဆုံး ရှင်းပြလိုပါတယ်။

အဲဒီ အသုံးကတော့ "There is no such thing as a free lunch" ဖြစ်ပါတယ်။ ဆိုလိုတာကတော့ အလကားကျွေးမဲ့ နေ့လည်စာမျိုး ဘယ်တော့မှ မရှိဘူးဆိုတဲ့ သဘောဖြစ်ပါတယ်။

ကမ္ဘာ့အင်အားကြီးနိုင်ငံတွေအနက် တနိုင်ငံဖြစ်တဲ့ အမေရိကန်နိုင်ငံမှာ လူမျိုးပေါင်းစုံ၊ ဘာသာပေါင်းစုံ သဟဇာတဖြစ်အောင် ကြိုးစားနေထိုင်ကြတာ ဖြစ်ပါတယ်။ ဒီနိုင်ငံမှာတော့ ဘာမှ အလကားမရပါဘူး။ ဆိုလိုတာကတော့ ထိုင်နေလို့တော့ ကိုယ့်ပေါင်ပေါ် ကျ, မလာဘူး၊ ဒီအတိုင်းနေလို့တော့ ဘာမှဖြစ်မလာဘူး၊ ကိုယ်လုပ်မှ ကိုယ်ရမယ့် သဘောမျိုးကို ဆိုလိုတာဖြစ်ပါတယ်။ ဒါကြောင့် သူများကို မှီခို၊ သူများကိုကပ်စား လူပျော့၊ လူညံ့။ တနည်းအားဖြင့် ဆန်ကုန်မြေလေး လူမျိုးအတွက်တော့ ဒီနိုင်ငံမှာ နေရာမရှိဘူးဆိုတဲ့ သဘောဖြစ်ပါတယ်။

ကျမတို့ မြန်မာမှာတော့ ကြိုးစားမှ ဒိုးပြားရမယ် ဆိုတဲ့ သဘောဖြစ်ပါတယ်။ ပညာရေးမှာပဲဖြစ်ဖြစ်၊ လုပ်ငန်းခွင်မှာပဲဖြစ်ဖြစ် ကြိုးစားရမယ် ဖြစ်ပါတယ်။ တခါတရံ သူများကျွေးတဲ့ထမင်း စားပြီးတဲ့နောက်မှာ တခုခုကို ပြန်လုပ်ပေးရမဲ့ တာဝန်ရှိတဲ့သဘော၊ ကျေးဇူးတုန့်ပြန်ရတဲ့ သဘောကိုလည်း ရည်ညွန်းပြောဆိုနိုင်ပါတယ်။ အထူးသဖြင့် နိုင်ငံရေး နဲ့ စီးပွားရေးလုပ်ငန်းတို့မှာ ဖြစ်ပါတယ်။

အမေရိကန်နိုင်ငံမှာ ဆိုရင် lobbyists ဆက်သွယ်စည်းရုံးဆော်သြော်သူတွေ ရှိပါတယ်။ သူတို့က လူစုလူဝေး အုပ်စုရှိကြပြီး စီးပွားရေးလုပ်ငန်းရှင်တွေ၊ အလုပ်သမားအဖွဲ့အစည်းတွေနဲ့ ပတ်သက်ရာပတ်သက်ကြောင်း အုပ်စုတွေကိုယ်စား သူတို့က အဆုံးအဖြတ်ပေးနိုင်တဲ့ ပုဂ္ဂိုလ်တွေကို ချည်းကပ်ပြီးတော့ အကျိုးကိုရှေ့ ရှုဆောင်ရွက်ပေးကြတာ ဖြစ်ပါတယ်။ သူတို့က အဲဒီ အစိုးရတာဝန်ခံတွေကို ထမင်းဖိတ်ကျွေး၊ သွားလိုရာခရီးတွေကို အကုန်အကျခံပြီး လိုက်ပို့ပေး၊ မိတ်ဆွေ အပေါင်းအသင်းတွေလုပ်ပြီး ကျေးဇူးတုန့်ပြန် မျှော်ကိုးကြတာဖြစ်ပါတယ်။ အပေါင်းအသင်းနဲ့ အလုပ်ဖြစ်အောင် လုပ်ကြတာဖြစ်ပါတယ်။

လွှတ်တော်အမတ်တဦးအနေနဲ့ ဒီလိုချည်းကပ်လာမှုကို ရှောင်ရှားပုံနဲ့ ပတ်သက်လို့ George Crows ပေးတဲ့ ဥပမာကို လေ့လာကြည့်ရအောင်။

"I've never let lobbyists buy me lunch, or do any favour for me. Early in my political career, I learned the truth as the old saying there is no such thing as a free lunch."

"ကျနော်အနေနဲ့ လာပြီးစည်းရုံးသူတွေထံကနေ ဘယ်တော့မှ (ထမင်း) အလကား မစားဘူး။ သူတို့ကိုလည်း ကျနော့်အတွက် ဘာမှမလုပ်ခိုင်းဘူး။ ကျနော်နိုင်ငံရေး လုပ်စကတည်းက အလကားစားရတာ ဘယ်မှာမှမရှိဘူးဆိုတဲ့ ဆိုရိုးစကားဟာ သိပ်မှန်တယ်ဆိုတာကို ကိုယ်တွေ့ သိခဲ့ရပါတယ်။"

ဒုတိယတင်ပြပေးမဲ့ အီဒီယံမှာ power lunch ဖြစ်ပါတယ်။ Power က စွမ်းအား၊ အာဏာ၊ Lunch က နေ့လည်စာ ဖြစ်ပါတယ်။ စကားစုတခုလုံးက လုံးကောက်အဓိပ္ပါယ်ကတော့ တန်ခိုးအာဏာရှိသူတို့ရဲ့  နေလည်စာ လို့ ပြောနိုင်ပါတယ်။ အီဒီယံအဓိပ္ပါယ်ကတော့ အရေးပါ၊ တန်ခိုးအာဏာရှိတဲ့ အထက်အရာ ပုဂ္ဂိုလ်တွေက အတူတူ စားကြသောက်ကြတာကို ဆိုလိုပါတယ်။ ကောင်းပေ့၊ ဈေးကြီးပေ့ ဆိုတဲ့ ပျော်ပွဲစားရုံးတွေမှာ စားကြသောက်ကြတာကို ဆိုလိုပါတယ်။ အဲဒီမှာ ခေါ်သွားသူ ကော်မတီဘက်က လုပ်ငန်းအသုံးစရိတ်ဆိုပြီး အကုန်ကျခံတာ ဖြစ်ပါတယ်။

ဒီလို စားသောက်ဆိုင်မှာ အလုပ်လုပ်ကြတဲ့ ဝန်ထမ်းတွေက အဲဒီမှာ အလုပ်လုပ်ရတာ အရမ်းကောင်းတယ်လို့ ပြောတဲ့ George Crows ပေးတဲ့ ဥပမာကို လေ့လာကြည့်ရအောင်။

"My brother works in a place that is very popular for power lunches. And, he gets plenty of nice big tips because these people like to show off in front of each other."

"တန်ခိုးထွားသူတွေ လာစားကြတဲ့ဆိုင်တဆိုင်မှာ ကျနော့်ညီက အလုပ်လုပ်တယ်။ အဲဒီမှာ ဒီလိုစားသောက်သူတွေ ပေးတဲ့ ဘောက်ဆူးငွေတွေလည်း အများကြီးရတယ်။ ဘာကြောင့်လည်းဆိုတော့ ဒီလူတွေက တဦးရှေ့ တဦး အပြိုင်ကြွားချင်လို့ ပြိုင်ပြီးပေးကြလို့ ဖြစ်ပါတယ်။"

တတိယ အီဒီယံအသုံးကတော့ to hand somebody his lunch ဖြစ်ပါတယ်။ To hand က ဒီနေရာမှာ ကြိယာအဖြစ် အသုံးပြုထားပြီးတော့ လက်ကမ်းပေးတာ ဖြစ်ပါတယ်။ Somebody က တဦးတယောက်သောသူ၊ His က သူ၏ နဲ့ Lunch နေ့လည်စာ ဆိုတော့ စကားစုတခုလုံးရဲ့  လုံးကောက်အဓိပ္ပါယ်က တစုံတယောက်သောသူကို သူရဲ့ နေ့လည်စာ ကမ်းပေးခြင်းလို့ ပြောနိုင်ပါတယ်။
တကယ်တော့ ဒီအီဒီယံ က ဒီလိုအဓိပ္ပါယ်မျိုးတော့ မဟုတ်ပါဘူး။ အားကစားပြိုင်ပွဲတခုမှာ ယှဉ်ပြိုင်သူကို အနိုင်ရရှိလိုက်ခြင်းလို့ အဓိပ္ပါယ်ဆောင်ပါတယ်။ ဒီလိုအဓိပ္ပါယ်ဆောင်လာရခြင်းရဲ့  အကြောင်းတရားကို ဘယ်သူကမှ စဉ်းစားလို့မရနိုင်သေးဘူးလို့ ဆိုပါတယ်။ ဒါပေမဲ့ အားကစားသတင်းထောက်တွေ နဲ့ အားကစားပရိသတ်တွေလောကမှာ ဒီအသုံးက ရေပန်းစားလာခဲ့တာ ဖြစ်ပါတယ်။ မြန်မာမှာ နေ့လည်စားမဟုတ်ပေမဲ့ တဖက်ယှဉ်ပြိုင်ဖက်ကို ဆန်ပြုတ်တိုက်လိုက်ရင် ဆန်ပြုတ် ဆုတ်ပြန်ဆိုပြီး အနိုင်ယူလိုက်နိုင်တဲ့သဘော ပြောတဲ့စကားရှိတာ အများအသိဖြစ်ပါလိမ့်မယ်။

သူတို့ တက္ကသိုလ်အသင်းက အနိုင်ရရှိလိုက်လို့ ပျော်မဆုံးဖြစ်တဲ့ တက္ကသိုလ်ကျောင်းသားတဦးပြောတဲ့ George Crow ပေးတဲ့ ဥပမာကို လေ့လာကြည့်ရအောင်။

"We haven't been able to beat that school for more than ten years, but we sure handed them their lunch today. We buried them 35 to 7."

"ကျနော်တို့ ဒီကျောင်းကို အနိုင်မရနိုင်ခဲ့တာ ဆယ်နှစ်ကျော်သွားပြီ။ ဒါပေမဲ့ ဒီနေ့တော့ ကျနော်တို့ သူတို့အသင်းကို တကယ်ပဲ ဆန်ပြုတ်တိုက်လိုက်ပြီ။ ၃၅ မှတ် ၇ မှတ်နဲ့ အပြတ်အနိုင်ရလိုက်တယ်။"

နောက်ဆုံးတင်ပြမဲ့ အီဒီယံအသုံးကတော့ out to lunch ဖြစ်ပါတယ်။ Out က အပြင်မှာ ထွက်နေတာ၊ (to) Lunch က နေ့လည်စာ ဆိုတော့ တိုက်ရိုက်အဓိပ္ပါယ်က နေ့လည်စာ အပြင်ထွက်စားခြင်း ဖြစ်ပါတယ်။ အီဒီယံ အဓိပ္ပါယ်ကတော့ သတိမေ့လွယ်တဲ့ အကျင့်ရှိလို့ ဗလုံးဗထွေးဖြစ်နေတဲ့အတွက်ကြောင့် လက်တွေ့ဘဝနဲ့ ကင်းကွာနေတဲ့အခြေအနေကို ရောက်နေတဲ့ ကြောင်တောင်တောင် ဖြစ်နေတာကို ဆိုလိုပါတယ်။

ဒီအသုံးအနှုန်းနဲ့ ပတ်သက်ပြီး အသက်အရွယ် အိုမင်လာပြီးဖြစ်တဲ့ စီးပွားရေးကော်မတီတခုရဲ့  အကြီးအကဲ တယောက်နဲ့ ပတ်သက်လို့ အမှုထမ်းတယောက်ရဲ့  ကောက်ချက်ချပြောကြားတဲ့ George Crows ဥပမာကို လေ့လာကြည့်ရအောင်။

"I am afraid it's time for our president to retire. He is so forgetful and mix it up these days. He doesn't know what is going on around here. In fact he has been out to lunch for years."

"ပြောရမှာတော့ ဝမ်းနည်းပါတယ် ကျနော်တို့ ဥက္ကဌကြီး အနားယူဖို့ အချိန်တန်ပြီလို့ ထင်ပါတယ်။ အခု ရက်တွေအတွင်း မေ့လိုက်တာလည်း လွန်ပါရော။ လုပ်ငန်းခွင်မှာ ဘာတွေဖြစ်နေဆိုတာ သူလုံးဝ မသိတော့ဘူး။ တကယ်ဆို သူဟာ လက်တွေ့ဘဝနဲ့ ကင်းကွာနေပြီး ကြောင်တောင်တောင် ဖြစ်နေတာ နှစ်နဲ့ချီ ရှိနေပါပြီ။"

ဆက်ဖတ်ရန်>>>

House စကားလုံး အီဒီယံ အသုံးအနှုန်းများ

listen to voanews.com


အိမ် (house) စကားလုံးအခြေခံ အီဒီယံအသုံးအနှုန်းများဖြစ်တဲ့ put your house in order နဲ့ to clean house တို့ကို တင်ပြထားပါတယ်။

ပထမဦးဆုံး တင်ပြပေးမယ့် အီဒီယံ အသုံးအနူန်းကတော့ put your house in order ဖြစ်ပါတယ်။ put ပြုလုပ်သည်၊ your သင်၏၊ in order စနစ်တကျရှိစေသည် တို့ ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ သင်ရဲ့  အိမ်ကို စနစ်တကျ သန့်သန့်ပြန့်ပြန့်ထားပါ ဖြစ်ပါတယ်။ ဒီ အသုံးအနှုန်းကို အခြေအနေ နှစ်ရပ်နဲ့ ပတ်သက်ပြီး သုံးနိုင်ပါတယ်။ ပထမအသုံးကတော့ ကိုယ့်ရဲ့  ကိုယ်ရေးကိုယ်တာကိစ္စကို ဖြေရှင်းထားတယ်လို့ အဓိပ္ပာယ် ရပါတယ်။

George Crows ပေးတဲ့ ဥပမာမှာ ဦးလေးတော်စပ်သူက သူမသေခင် သူ့အမွေကို မိသားစုအတွက် အဆင်ပြေအောင် စိတ်အေးရအောင် ကြိုတင်စီစဉ်ပေးထားတဲ့ အကြောင်းဖြစ်ပါတယ်။

"Before he died, Uncle Bob put his house in order. He paid all his debts and left his insurance policy, his will and other important papers in a big envelope on his wife's desk."

"သူမဆုံးခင် ဦးလေး Bob က သူကိစ္စတွေကို နှောင်ရေးအေးရလေအောင် စနစ်တကျ စီစဉ်ထားခဲ့ပါတယ်။ သူ့အကြွေးတွေအားလုံးကို ပေးဆပ်ခဲ့တယ်၊ အသက်အာမခံ ပေါ်လစီတွေလည်း ထားခဲ့တယ်။ အမွေစာချုပ်လည်း ထားခဲ့ပါတယ်။ တခြားအရေးကြီးတဲ့ စာရွက်စာတမ်းတွေကိုလည်း အိတ်ကြီးတအိတ်ထဲမှာ ထည့်ထားခဲ့ပြီး သူ့ဇနီးရဲ့  စာကြည့်စာပွဲပေါ်မှာ တင်ထားခဲ့တယ်။"

Put your house in order အသုံးရဲ့  ဒုတိယ အဓိပ္ပါယ်တမျိုးကတော့ စီးပွားရေးလုပ်ငန်း (သို့) အဖွဲ့အစည်းတခုအတွင်း (သို့) နိုင်ငံအတွင်းမှာ ကမောက်ကမ ဖြစ်နေတာကို စနစ်တကျ ပြန်ဖြစ်အောင် ပြုလုပ်ရာမှာလည်း အသုံးပြုနိုင်ပါတယ်။

အခု George Crows ပေးထားတယ့် ဥပမာက New York မြို့ မှာ ရှိနေတဲ့ ကုမ္မဏီကြီးတခုရဲ့  ဌာနချုပ်က အလုပ်ပိုင်ရှင်ကြီး လာမှာမို့ Chicago မြို့  ရုံးခွဲက မန်နေဂျာ အလုပ်ရှုပ်နေတဲ့ ဥပမာဖြစ်ပါတယ်။

"We have to put the house in order in two days. I want desks clean, the whole place looking good, and we need account balance up to date by five o'clock tomorrow afternoon."

"ကျနော်တို့ရဲ့  ရုံးမှာ နှစ်ရက်အတွင်း အားလုံးစနစ်တကျဖြစ်အောင် လုပ်ကြရမယ်။ စာပွဲတွေကို ရှင်းထား၊ နေရာတခုလုံး ကြည့်ကောင်းအောင် လုပ်ထားကြ၊ ဒါအပြင် ကျနော်တို့ရဲ့  ငွေစာရင်းတွေကိုလည်း ချိန်ကိုက်ပြီး နောက်ဆုံးအချိန်အထိ ပြတဲ့စာရင်းကို မနက်ဖြန် ညနေ ငါးနာရီ မှာ အားလုံးအဆင်သင့် ပြင်ထားရမယ်။"

ဒီ to put the house in order အသုံးအနူန်းကို နိုင်ငံရေးမှာလည်း သုံးစွဲနိုင်ပါတယ်။ ကိုယ်နိုင်ငံအတွင်း ကမောက်ကမ မဖြစ်ရလေအောင် အခြေအနေတွေ စနစ်တကျ ဖြစ်အောင် ဆောင်ရွက်ရမှာလည်း ဒီအသုံးကို ရည်ညွှန်းသုံးလို့ ရပါတယ်။

ဒုတိယ တင်ပြမယ့် အီဒီယံအသုံးအနူန်း to clean house ဖြစ်ပါတယ်။ To clean ရှင်းလင်းသည်၊ house အိမ် တို့ ဖြစ်ပါတယ်။ စကားစုတခုလုံးရဲ့  လုံးကောက်အဓိပ္ပါယ်ကတော့ အိမ်ကိုရှင်းလင်းခြင်း ဖြစ်ပါတယ်။ တံမြက်လှည်းကျင်း၊ ဖုန်းသုတ်၊ ကြမ်းတိုက်လုပ်ကိုင်ခြင်း လို့လည်း သုံးစွဲပြောဆိုနိုင်ပါတယ်။ အီဒီယံအသုံးအနူန်း သွယ်ဝိုက်အဓိပ္ပါယ် ဖွင့်ဆိုချက်ကတော့ အပြောင်းအလဲ ကို ဖော်ဆောင်ရာမှာ အောက်ခြေသိမ်းကအစ ရှင်းလင်းဖယ်ရှားခြင်းကို ဆိုလိုပါတယ်။

အထူးသဖြင့် အာဂတိလိုက်စားမှု၊ လာဘ်ပေးလာဘ်ယူမှု၊ မသမာမှု၊ မျက်နှာသာပေးမှု စသဖြင့်တို့ ရှိနေတဲ့ အစိုးရရဲ့  စနစ်တရပ်မှာ အားလုံး ဒီ မသမာမှုတွေ ကင်းရှင်းအောင် ပြောင်းလြဲပစ်တာ၊ အလုပ်ဖြုတ်ပြစ်တာ၊ ပင်စင်ပေးပြစ်ပြီး လူတော်လူကောင်း၊ အလုပ်လုပ်တဲ့လူ၊ အလုပ်ကိုနားလည်းတဲ့ လူတွေနဲ့ အစားထိုး လို့ရှိရင် လုပ်ငန်းဟာ ပိုမိုထိရောက် တွင်ကျယ်မှာမို့ 'အောက်ခြေသိမ်း ပြောင်းလဲပြုလုပ်တာ' ကို To Clean House လို့ ရည်ညွှန်းသုံးစွဲ နိုင်ပါတယ်။

ပထမ ဥပမာ ကတော့ နိုင်ငံရေး မဲဆွယ်လှုပ်ရှားမှုအကြောင်း ဖြစ်ပါတယ်။ အထူးသဖြင့် ဝါရှင်တန်မြို့ တော်မှာ အခြေစိုက်တဲ့ ဗျူရိုကရက်တွေ ကို ရွေးကောက်ခံ ကိုယ်စားလှယ်တွေက တိုက်ခိုက်ဝေဖန် ပြောဆိုတာဟာ နိုင်ငံရေး ပရိယာယ်တခု ဖြစ်နေပါတယ်။

အခု George Crows ပေးတဲ့ ဥပမာမှာ နိုင်ငံရေးသမား ကိုယ်စားလှယ်က သူ့မိန့်ခွန်းမှာ ဒီ အကြောင်း (ခြစားမှု) ကို ပြောထားတာဖြစ်ပါတယ်။

"Folks, send me to the Congress, and I promise the first thing I will do is clean house. I will get rid off all those bureaucrats who sit around all day doing nothing, but wait for quitting time."

"မိတ်ဆွေတို့ရေ ကျနော်ကို လွှတ်တော်ကိုယ်စားလှယ်အဖြစ် ရွေးကြပါ။ ကျနော်ကို ရွေးခဲ့လို့ရှိရင် ပထမဦးဆုံး ဂတိပေးနိုင်တာကတော့ မသမာမှု၊ ခြစားမှုတွေကို ရှင်းပေးမယ်။ တနေ့လုံး အလုပ်မှာ ထိုင်ပြီး ဘာမှ အလုပ်မလုပ်ဘဲ အလုပ်ဆင်းချိန်ကိုဘဲ စောင့်နေတဲ့ ဗျူရိုကရက်အာလုံးကို ကျနော်ရှင်းပြစ်ပေးမယ်။"

ဒုတိယ ဥပမာကတော့ မြို့ ကြီးတမြို့ ရဲ့  မြို့ တော်ဝန်က သူ့လက်အောက်က အမှုထမ်းတွေ ပြည်သူဘဏ္ဍာတွေ နဲ့ ပစ္စည်းတွေကို ခိုးတဲ့အကြောင်း ကြားသိရလို့ စိတ်ဆိုးဆိုးနဲ့ ပြောတဲ့အကြောင်း ဖြစ်ပါတယ်။

"I want our citizens to know I've never tolerated corruption. I am going to clean house and fire every body who was involved, and will do our best to send the worst offenders off to jail."

"ကျနော်တို့ မြို့ နေလူထုကို ပြောပါရစေ။ အာဂတိလိုက်စားမှုကို ကျနော်လုံးဝ သည်းခံမှာ မဟုတ်ဘူး။ ကျနော် ဒါတွေ အားလုံးကို ရှင်းပြစ်မယ်။ ခြစားခြင်း ပါဝင်ပတ်သက်နေသူတိုင်းကိုလည်း အလုပ်ဖြုတ်ပစ်မယ်။ အဆိုးဆုံး ကျူးလွန်းသူတွေကိုလည်း ထောင်ချနိုင်အောင် ကျနော်တို့ အတက်နိုင်ဆုံး လုပ်ပေးမယ်။"

ဆက်ဖတ်ရန်>>>

သမ္မတအိုဘားမား မိန့်ခွန်းထဲမှ အီဒီယံ အသုံးအနှုန်းများ (၂)

listen to voanews.com

ဇန်နဝါရီလ (၂၇) ရက်နေ့က အမေရိကန်ပြည်ထောင်စုရဲ့  သမ္မတကြီး ဘာရက် အိုဘားမား (Barack Obama) က သူရဲ့  သမ္မတသက်တမ်းအတွင်း ပထမဦးဆုံးအကြိမ်အဖြစ် နိုင်ငံနဲ့ လွှတ်တော်နှစ်ရပ် (Senate and Congress) တို့ကို နိုင်ငံတော်အခြေပြ မိန့်ခွန်း (State of Union Address) ပြောကြားခဲ့ပါတယ်။ အဲဒီ ပြောကြားခဲ့တဲ့ မိန့်ခွန်းထဲမှာ အီဒီယံအသုံးပေါင်း (၂၀) ကျော် ထည့်သွင်းပြောဆိုသွားတာကို တွေ့ရှိရပါတယ်။ အဲဒီ အီဒီယံအသုံးအနှုန်းများထဲမှ ဒီတပတ်တင်ပြပေးချင်တဲ့ အီဒီယံအသုံးအနှုန်းများမှာ horse-trading, tightening (the) belt နဲ့ cash-strapped တို့ ဖြစ်ပါတယ်။

ပထမဦးဆုံး တင်ပြပေးမယ့် အီဒီယံအသုံးကတော့ Horse-trading ဖြစ်ပါတယ်။ Horse က မြင်း၊ Trading က Trade ဆိုတဲ့ အရောင်းအ၀ယ် အဓိပ္ပါယ်ရတဲ့ ဝေါဟာရက ဆင်းသက်လာတာပါ။ စကားစုတခုလုံးရဲ့  တိုက်ရိုက်အဓိပ္ပါယ်က မြင်းအရောင်းအ၀ယ် ပြုလုပ်ခြင်း ဖြစ်ပါတယ်။ ဒီအသုံးဆင်းသက်လာတာက မြင်းအရောင်းအ၀ယ်က ဖြစ်တယ်ဆိုတာကတော့ ရှင်းပါတယ်။ မြင်းကုန်သည်တွေဟာ ကိုယ့်မြင်းအရောင်း ထွက်ရလေအောင်၊ အရောင်းစွံရလေအောင် ညာလုံး၊ လိမ့်လုံးတွေနဲ့ ရောင်းချတဲ့ဓလေ့ကနေ ဆင်းသက်လာတာ ဖြစ်ပါတယ်။ တနည်းအားဖြင့်တော့ အရောင်းအ၀ယ် အပေးအယူ စတာတွေကို ပြုလုပ်ရာမှာ တဖက်က ဈေးဆစ်တာကို ဈေးတည့်အောင် ပါးပါးနှပ်နှပ်နဲ့ ညစ်ယူပြီးတော့ ရောင်းချတာမျိုးကို ဆိုလိုခြင်းဖြစ်ပါတယ်။

နောက်ပိုင်းမှာ မြင်းအရောင်းအ၀ယ် horse-trade ဆိုတဲ့စကားလုံးဟာ နိုင်ငံရေးလောကမှာ အသုံးပြုလာတဲ့အခါမှာတော့ အပေးအယူညှိနှိုင်းမှုတွေ ပြုလုပ်ရာမှာ ကိုယ်ကလည်း ကိုယ်ဘက်သာအောင် သူကလည်း သူဘက်သာအောင် အကြိတ်အနယ် ညှိနှိုင်းပြောဆိုကြတာတွေကို ရည်ညွှန်းပြောဆိုလာကြပါတယ်။ ဒါကြောင့် horse-trading အီဒီယံအသုံး အဓိပ္ပါယ်ကတော့ အပေးအယူပြုလုပ်ရာမှာ တဘက်နဲ့တဘက် အကြိတ်အနယ် ကိုယ်ဘက်သူဘက် အသာရအောင် ပြုလုပ်တာမျိုးကို ဆိုလိုပါတယ်။

ဒီအသုံးနဲ့ ပတ်သက်လို့ သမ္မတ အိုဘားမား သူရဲ့  နိုင်ငံတော်အခြေပြ မိန့်ခွန်းမှာ ပြောကြားခဲ့တဲ့ ဥပမာကို လေ့လာကြည့်ရအောင်ပါ။

“I know that with all the lobbying and horse-trading, the process left most Americans wondering, "What's in it for me?”

“ဒီအစီအစဉ်တွေနဲ့ ပတ်သက်ပြီး လိုက်လံစည်းရုံးမှုတွေ အပေးအယူ ညှိနှိုင်းမှုတွေကို အကြိတ်အနယ် သူနိုင်ကိုယ်နိုင် အပေးအယူပြုလုပ်ခဲ့ကြတာတွေကို မြင်တွေ့ခဲ့ကြရပြီးနောက် အမေရိကန်နိုင်ငံသားတွေအနေနဲ့ သူတို့အတွက် ဘာကျန်ပါသေးလဲလို့ မေးခွန်းထုတ်ကြမှာ ဖြစ်တယ်ဆိုတာကို ကျနော်သိပါတယ်။”

နောက်တင်ပြပေးမယ့် အီဒီယံအသုံးအနှုန်းကတော့ tightening (the) belt ဖြစ်ပါတယ်။ Tightening က tight အခြေခံဝေါဟာရက ဆင်းသက်လာပြီး အဓိပ္ပါယ်ကတော့ ကြပ် (တင်း) တာ ဖြစ်ပါတယ်။ Tightening က ကြိယာဖြစ်ပြီး ကြပ်အောင်ပြုလုပ်သည် ဖြစ်ပါတယ်။ Belt က ခါးပတ် ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ခါးပတ်ကို ကြပ်အောင်ပြုလုပ်ခြင်း ဖြစ်ပါတယ်။ ခါးပတ်ကိုကြပ်အောင် ပြုလုပ်တယ်ဆိုတော့ ဘယ်လိုအနေအထားမျိုးမှာ ခါးပတ်က ချောင်လာသလဲလို့ မေးစရာရှိပါတယ်။ ကျမတို့ မြန်မာမှာ တ၀မ်းတခါးဆိုတဲ့ စကားသဘောလို ၀မ်းချောင်ရင် ခါးကလည်း လိုက်ချောင်တယ်။ ခါးချောင်ရင် ခါးပတ်ကလည်း လိုက်ချောင်တယ်။ ခါးကဘယ်အချိန်မှာ ချောင်သလဲဆိုတော့ စီးပွားရေးကြပ်တည်း၊ စားဝတ်နေရေး မပြေလည်တဲ့အချိန်အခါမှာ လူကပိန်သွားတယ်။ စီးပွားရေး မပြေလည်ဘူးဆိုရင် လူက အသုံးစရိတ် လျှော့ကြရတာ ဓမ္မတာဖြစ်တာမို့ ဒီနေရာမှာ tightening the belt က လျှော့သုံးလျှော့စား၊ အသုံးစရိတ်ကို ခြိုးခြံချွေတာခြင်းကို ဆိုလိုပါတယ်။

ဒီအသုံးနဲ့ ပတ်သက်လို့ သမ္မတ အိုဘားမား မိန့်ခွန်းထဲက ဥပမာကို လေ့လာကြည့်ရအောင်ပါ။

“But families across the country are tightening their belts and making tough decisions.”

“နိုင်ငံတ၀ှမ်းမှာ မိသားစုတွေဟာ အသုံးစရိတ်တွေကို ခြိုးခြံချွေတာနေကြရတယ်၊ ခက်ခဲတဲ့ ဆုံးဖြတ်ချက်တွေကို ချနေရတယ်။”

နောက်ဆုံးတင်ပြပေးမယ့် အီဒီယံအသုံးအနှုန်းကတော့ cash-strapped ဖြစ်ပါတယ်။ cash က ငွေကြေး၊ strapped က strap ဝေါဟာရက ဆင်းသက်လာပြီး နာမ်စားအဖြစ်သုံးရင် သားရေကြိုး၊ သားရေပြားငယ် ဖြစ်ပြီး၊ ကြိယာအဖြစ်သုံးရင်တော့ သားရေကြိုး၊ သားရေပြား တို့နဲ့ ပတ်ထားတာကို ဆိုလိုပါတယ်။ ဒါကြောင့် cash-strapped ရဲ့  တိုက်ရိုက်အဓိပ္ပါယ်ကတော့ ငွေကြပ်နေတဲ့ သဘောဖြစ်ပါတယ်။ အီဒီယံဆိုတဲ့ သွယ်ဝိုက်အဓိပ္ပါယ်ကလည်း ငွေရေးကြေးရေး ကြပ်တည်းတာ၊ ငွေမချောင်မလည် ဖြစ်တာကို ဆိုလိုပါတယ်။

ဒီအသုံးနဲ့ ပတ်သက်လို့ သမ္မတ အိုဘားမား သူ့မိန့်ခွန်းထဲမှာ ထည့်သွင်းပြောကြားသွားတာကို လေ့လာကြည့်ရအောင်ပါ။

“Like any cash-strapped family, we will work within a budget to invest in what we need”

“ငွေရေးကြေးရေး အခက်အခဲနဲ့ ကြုံတွေ့နေရတဲ့ မိသားစုတွေနည်းတူ ကျနော်တို့ကလည်း ဖြစ်နိုင်တဲ့ ဘတ်ဂျက်အသုံးစရိတ် အတိုင်းအတာအတွင်းမှာဘဲ လိုအပ်တဲ့အပေါ်မှာ ရင်းနှီမြုပ်နှံသွားပါမယ်။”

ဆက်ဖတ်ရန်>>>

Edge စကားဆိုင်ရာ အီဒီယံအသုံးအနှုန်းများ

listen to voanews.com



English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံ အသုံးအနှုန်းများမှာ on the cutting edge, have an edge on နဲ့ on the ragged edge တို့ ဖြစ်ကြပါတယ်။

ပထမဦးဆုံး တင်ပြပေးမယ့် အီဒီယံအသုံးက on the cutting edge ဖြစ်ပါတယ်။ On = အပေါ်မှာ။ Cutting = cut ဆိုတဲ့ လှီးသည်၊ ဖြတ်သည်၊ ညှပ်သည်။ ကိုက်သည် ဆိုတဲ့ အခြေခံဝေါဟာရက ဆင်းသက်လာပြီး cutting ဆိုတဲ့ဝေါဟာရက ဒီနေရာမှာ နာမဝိသေသန (adjective) အဖြစ် အသုံးပြုထားတာ ဖြစ်ပါတယ်။ Edge = အသွား၊ အစွန်၊ အနား တို့ဖြစ်ကြပါတယ်။ Cutting edge က ဖြတ်လို့ညှပ်လို့ရတဲ့ အစွန်၊ အဖျား၊ ချွန်းထက်ဆူးရှလှတဲ့ နှုတ်ခမ်းသွားလို့ ဆိုရင် မှားမယ်မထင်ပါဘူး။ အီဒီယံအဓိပ္ပါယ်ကတော့ သိပ္ပံ၊ ယဉ်ကျေးမှု၊ စာပေကဏ္ဍတွေမှာ သူများထက်စာရင် ရှေ့ ကပြေးနေတယ်၊ တဖက်ကမ်းခတ်အောင် တတ်တယ်၊ နားလည်းသဘောပေါက် တတ်ကျွမ်းတဲ့လူမျိုး။ ကျမတို့မြန်မာ ဘန်းစကားမှာတော့ အာစရိလို လူမျိုးမျိုး ဖြစ်ပါတယ်။

အောက်ပါ George Crows ပေးထားတဲ့ ဥပမာမှာတော့ ကမ္ဘာကြီးနဲ့ ပတ်သက်လာရင် အားလုံးထက်ပိုပြီး တဖက်ကမ်းခတ် တတ်မြောက်ပြီး အများက အသိအမှတ်ပြုတဲ့ လူတယောက်အကြောင်း ဖြစ်ပါတယ်။ အဲဒီပုဂ္ဂိုလ်ဟာ အာဏာရှင် ဟစ်တလာ (Hitler) လက်ထက်တုန်းက ဂျာမဏီ (Germany) ကနေ ထွက်ပြေးလွတ်မြောက်ခဲ့ပြီး သိပ္ပံပညာသမိုင်းမှာ သူမတူအောင် စွမ်းဆောင်နိုင်ခဲ့တဲ့ ဂျူး (Jew) လူမျိုး သိပ္ပံပညာရှင် ဖြစ်ပါတယ်။ သူ့အကြောင်းနဲ့ ပတ်သက်လို့ George Crows ပေးတဲ့ အောက်ပါဥပမာကို လေ့လာကြည့်ရအောင်ပါ။

"Albert Einstein was on the cutting edge of physics. His idea drastically changed modern thoughts on space and time. And, his idea on atomic energy brought up to this nuclear age."

"Albert Einstein က ရူပဗေဒပညာရပ်မှာတော့ တဖက်ကမ်းခတ်အောင် တတ်သိတဲ့သူပါ။ အကွာအဝေး၊ အချိန်နဲ့ ပတ်သက်လို့ သူရဲ့  အတွေးအခေါ်တွေဟာ ခေတ်သစ်တွေးခေါ် မျှော်မြင်မှုအပိုင်းကို အပြောင်းလဲကြီးပြောင်းလဲ နိုင်စေခဲ့တယ်။ ဒါအပြင် အနုမြူစွမ်းအင်နဲ့ ပတ်သက်လို့လည်း သူရဲ့  အတွေးအခေါ်တွေဟာ ကျနော်တို့ ကမ္ဘာကြီးကို နျူကလီယားခေတ်ဆီကို အရောက်ပို့ပေးနိုင်ခဲ့တယ်။"

ဒုတိယ တင်ပြပေးမယ့် အီဒီယံအသုံးက have an edge on ဖြစ်ပါတယ်။ Have = ရှိသည်၊ ရရှိထားသည်။ An = တခု။ Edge = အစွန်အဖျား၊ အနား နဲ့ On = အပေါ်မှာ တို့ဖြစ်ကြပါတယ်။ စကားစုတခုလုံးရဲ့  လုံးကောက်အဓိပ္ပါယ်ကတော့ လမ်းအဖျားပေါ်မှာ လို့ တိုက်ရိုက်ပြန်ဆိုနိုင်ပါတယ်။ ဒီနေရာမှာ have an edge on အစား have the edge on လို့ an အစား the ကို အစားထိုး သုံးစွဲနိုင်ပါတယ်။ အီဒီယံအဓိပ္ပါယ်ကတော့ ပြိုင်ပွဲတွေ၊ ယှဉ်ပြိုင်မှုတွေမှာ တပန်းသာခြင်း၊ သူများထက် အသာစီးရနေတဲ့ သဘောဖြစ်ပါတယ်။ ဒီ အီဒီယံအသုံးကို စီးပွားရေး၊ နိုင်ငံရေး နဲ့ အားကစား လောကမှာ အသုံးများလေ့ ရှိပါတယ်။ ဥပမာ အမေရိကန်နိုင်ငံလုပ် ပစ္စည်းတွေဆိုရင် နိုင်ငံတကာ ဈေးကွက်မှာ မျက်နှာပန်း သာတာကတော့ quality control ကုန်စည်ရဲ့  အရည်အသွေး ပြည့်မှီမှုကို ထိန်းချုပ်နိုင်တာကြောင့် ဖြစ်ပါတယ်။ ဒါကြောင့် Made in USA ဆိုလိုရှိရင် ပိုပြီးတပန်းသာတာ အများအသိ ဖြစ်ပါတယ်။

အခုပေးမယ့် George Crows ဥပမာမှာ နိုင်ငံရေးသမားတဦးက သူ့ယှဉ်ပြိုင်ဖက်ပေါ် တပန်းသာတဲ့ အပြောအဆိုအသုံးအနှုန်း ဖြစ်ပါတယ်။

"I think Pete Smith has an edge on his rivals on the race for the US Senate seat for our state. He got experience and he has been a Govenor for ten years. He is sure to win in November."

"ကျနော်တို့ ပြည်နယ်အတွက် အထက်လွှတ်တော်အမတ် ယှဉ်ပြိုင်ရာမှာ Pete Smith ကတော့ သူ့ယှဉ်ပြိုင်ဘက်တွေထက် တပန်းသာတယ်လို့ ကျနော်ထင်တယ်။ သူက အတွေ့အကြုံလည်း ရှိတယ်။ ပြည်နယ်အုပ်ချုပ်ရေးမှုး လုပ်လာတာလည်း ဆယ်နှစ် ရှိပြီ။ ဒါကြောင့် နိုဝင်ဘာလရောက်ရင်တော့ သူနိုင်ဖို့ သေချာပါတယ်။"

နောက်ဆုံးတင်ပြပေးမယ့် အီဒီယံအသုံးကတော့ on the ragged edge ဖြစ်ပါတယ်။ On = အပေါ်မှာ။ Ragged = အစွန်းအစများ၊ အထစ်ထစ် ဖြစ်နေသော၊ မဖြောင့်တန်း ကြမ်းထော်သော။ Edge = အစွန်အဖျား တို့ ဖြစ်ကြပါတယ်။ မညီမညာ ထိုထိုထောင်ထောင် ထွက်နေတဲ့ တောင်စွန်း တောင်ဖျားတွေကိုလည်း တို့ကို ရည်းညွှန်ပြောလို့ ရပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ မညီမညာ ဆူးရှနေတဲ့ တောင်စွန်းတောင်ဖျား လို့ ပြန်ဆိုနိုင်ပါတယ်။ အီဒီယံအဓိပ္ပါယ်ကလည်း ဒီနေရာမှာ မညီမညာ ဆူးရှနေတဲ့ တောင်စွန်းတောင်ဖျားတွေပေါ်ရောက်ရင် လူဟာ ပြုတ်ကျဖို့ သေချာတဲ့အတွက်ကြောင့် အန္တရာယ် များတဲ့ သဘောမျိုးဖြစ်ပါတယ်။

အခု George Crows ပေးတဲ့ ဥပမာမှာ သူ့လုပ်ငန်းမှာ စီးပွားပျက်မယ့် အန္တရာယ်နဲ့ ကြုံတွေ့နေရတဲ့သဘော ဖြစ်ပါတယ်။

"Mary, I am getting scared of about our money situation in the firm. Our sale are down and our costs are way up. Unless we can get a quick loan, I'm afraid we will be on the ragged edge of going bankrupt."

"Mary ရေ တို့ကုမ္မဏီရဲ့  ငွေရေးကြေးရေး အခြေအနေက စိုးရိမ်စရာဖြစ်နေတယ်။ အရောင်းတွေကျပြီး ကုန်ကျစရိတ်များနေတော့ ကျနော်တို့ တနေရာရာကနေ ငွေမြန်မြန် မချေးနိုင်ရင်တော့ ကုမ္မဏီ ဒေဝါလီခံရမယ့် အခြေအနေရောက်နေပြီ။"

ဆက်ဖတ်ရန်>>>

အခက်အခဲ၊ အကြပ်အတည်ဆိုင်ရာ အီဒီယံအသုံးအနှုန်းများ

voanews.com နားဆင်ရန်

English Learning: America Idioms and Expressions ကဏ္ဍမှာ တင်ပြပေးထားတဲ့ အီဒီယံ အသုံးအနှုန်းများမှာ in a pretty pickle, in the dog house နဲ့ between a rock and a hard place တို့ ဖြစ်ကြပါတယ်။

ဘဝမှာ တခါတရံ ဝေခွဲမရတဲ့ လမ်းဆုံလမ်းခွရောက်တတ်ကြပါတယ်။ ဘယ်လမ်းကို လိုက်ရမလည်းဆိုတာကို ပြတ်ပြတ်သားသား ဆုံးဖြတ်ရတယ်အခါတွေလို့ ဆိုရပါမယ်။ အခုလို ဆုံးဖြတ်ရမှာ တခါတရံလည်း လမ်းမှားကို လိုက်တတ်ပါတယ်။ အဲဒီလို အဖြစ်မျိုးနဲ့ ကြုံခဲ့ရင် ဒီနေ့တင်ပြပေးမယ့် အီဒီယံတွေက အသုံးတည့်လိမ့်မယ်လို့ ဆိုနိုင်ပါတယ်။

ပထမဦးဆုံးတင်ပြပေးမယ့် အီဒီယံအသုံးကတော့ in a pretty pickle ဖြစ်ပါတယ်။ In = အထဲမှာ၊ A = တခု၊ Pretty = လှပသော၊ ချောသော အဓိပ္ပါယ်ဆောင်ပေမယ့် ဒီနေရာမှာတော့ ကျမတို့မြန်မာစကားမှာလို သိပ်ဒုက္ခရောက်နေတယ်ဆိုရင် ဒုက္ခလှလှကြီး တွေ့တယ်လို့ လွန်ကဲမှုကို လှလှဆိုတဲ့အသုံးနဲ့ ရည်ညွှန်းသုံတတ်ပါတယ်။ ဒီနေရာမှာ pretty က ဒီသဘောဖြစ်ပါတယ်။ Pickle ကတော့ သာမန်အားဖြင့် ဆားရေစိမ်၊ ရှာလကာရည်စိမ်ထားတဲ့ ချဉ်ဖတ် (သို့) သေနပ် ကိုခေါ်ပါတယ်။ စကားစုတခုလုံးရဲ့  လုံးကောက်အဓိပ္ပါယ်က အတော်လေး အခြေအနေဆိုးတဲ့ ချဉ်ဖတ်ကြီးထဲကို ရောက်နေတယ် ဖြစ်ပါတယ်။ အီဒီယံဆိုတဲ့ သွယ်ဝိုက်အဓိပ္ပါယ်ကတော့ အခြေအနေ မလှတာ၊ မျက်နှာပူ ရှက်ဖွယ်ရာ၊ မကောင်းလှတဲ့ အခြေအနေနဲ့ ရင်ဆိုင်နေရတာကို ရည်ညွှန်းပြောဆိုတာ ဖြစ်ပါတယ်။

အခုလို နားခေါင်းရှုံစရာ အခြေအနေနဲ့ ပတ်သက်လို့ Pauline Gary ပေးတဲ့ ဥပမာကို လေ့လာကြည့်ရအောင်ပါ။

“My brother Joe is in a pretty pickle. He got mixed up and asked two different girls to the same party Saturday night.”

“ကျမရဲ့ မောင်လေး Joe တယောက်တော့ ဒုက္ခလှလှကြီး တွေ့နေပြီ။ ယောင်မှားပြီးတော့ စနေနေ့ညအတွက် ပါတီတခုတည်းသွားဖို့ ကောင်မလေးနှစ်ယောက်ကို သူသွားပြီးဖိတ်လိုက်ခဲ့တယ်။”

ဒါကြောင့် Joe က သူမှားပြီးဖိတ်မိတယ့် ကောင်မလေးနှစ်ယောက်အနက် တယောက်ယောက်ကို ရွေးရမှာဖြစ်ပါတယ်။ ကျန်တယောက်နဲ့ Joe ဇာတ်လမ်းကတော့ ဒီမှာတင် တခန်းရပ်ဖို့ အခြေအနေရှိမှာတော့ ဧကန်မလွဲပါဘူး။ ကောင်မလေး နှစ်ယောက်ထဲက တယောက်က မကြည်တော့တဲ့ အခြေအနေမျိုးမှာ နောက်ကျန်တဲ့ တယောက်က Joe ကို စိတ်ဆိုးမယ်ဆိုလည်း ဆိုးစရာပါ။ ဒါကြောင့်မို့ Joe နဲ့ ကျန်ကောင်မလေး နှစ်ဦးရဲ့  ဆက်ဆံရေးအခြေအနေကို တင်စားပြောဆိုရမှာ နောက်ထပ်တင်ပြပေးမယ့် အီဒီယံနဲ့ လိုက်ဖက်ပါတယ်။

ဒုတိယတင်ပြပေးမယ့် အီဒီယံက in the dog house ဖြစ်ပါတယ်။ In = အထဲမှာ၊ Dog = ခွေး နဲ့ House = အိမ် တို့ ဖြစ်ပါတယ်။ စကားစုတခုလုံးရဲ့  တိုက်ရိုက်အဓိပ္ပါယ်ကတော့ ခွေးနေတဲ့ အိမ်ထဲမှာ ဖြစ်ပါတယ်။ တနည်းတော့ သိပ်စိတ်ဆိုးလွန်လို့ အိမ်ထဲအဝင်မခံဘဲ အိမ်မှာမွေးထားတဲ့ ခွေးနေတဲ့အိမ်မှာပဲ သွားနေ၊ အဲဒီနေရာနဲ့ပဲ တန်တယ်ဆိုတဲ့ သဘောမျိုးနဲ့ ဆက်ဆံတာ ဖြစ်ပါတယ်။ မြန်မာဆန်ဆန် ပြောရရင်တော့ အခုလို နှစ်ပေါက်တပေါက် ရိုက်တဲ့အတွက် ခွေးကတက်နဲ့ပဲ တန်တယ်လို့ တဖက်သားကို ဆက်ဆံတာမျိုး ဖြစ်ပါတယ်။ တပါးသူရဲ့  ညိုညင်မှုကို ဒီ အီဒီယံအသုံးအနှုန်းနဲ့ ရည်ညွှန်းပြောဆိုနိုင်ပါတယ်။

ကျောင်းသူတဦးရဲ့  ဖွင့်ဟချက်နဲ့ ပတ်သက်လို့ Pauline Gary ပေးတဲ့ဥပမာကို လေ့လာကြည့်ရအောင်ပါ။

“I have been in a dog house with my mother and dad ever since they saw my grades from the ast semester. I admit that I failed math, barely passed English. These are tough courses.”

“ပြီးခဲ့တဲ့ စာသင်နှစ်မှာ ကျမရတဲ့ အမှတ်စာရင်းကို မြင်ပြီးကတည်းက အမေနဲ့ အဖေက ကျမအပေါ်မှာ သိပ်စိတ်ဆိုးနေကြတယ်။ ကျမဝန်ခံပါတယ် သင်္ချာလည်းကျတယ်၊ အင်္ဂလိပ်စာကလည်း ကပ်ပြီးအောင်ခဲ့တယ်။ ဒါပေမဲ့ သင်ရိုးတွေကလည်း ခက်သလားမပြောပါနဲ့တော့။”

နောက်ဆုံးတင်ပြပေးမယ့် အီဒီယံအသုံးအနှုန်းကတော့ between a rock and a hard place ဖြစ်ပါတယ်။ Between = နှစ်ခုကြားမှာ၊ A = တခု၊ Rock = ကျောက်ဆောင်၊ Hard = မာကျောသော၊ Place =နေရာ တို့ ဖြစ်ကြပါတယ်။ တိုက်ရိုက်အဓိပ္ပါယ်ကတော့ တဘက်မှာ ကျောက်ဆောင် နဲ့ မာကျောနဲ့ နေရာကြားရောက်နေတဲ့ သဘော ဖြစ်ပါတယ်။ ဒီအသုံးဆင်းသက်လာတာကတော့ ရှေ့ နံမည်ကျော် စာရေးဆရာကြီး Homer ရဲ့  Odyssey ဆိုတဲ့ ဝတ္ထုမှာ Odyssey သင်္ဘောဟာ တဘက်မှာ ကျောက်ဆောင်ကြီး၊ တဘက်မှာ ပင်လယ်ဝဲကြီး ဖြစ်နေတော့ ကျဉ်းမြောင်းလာတဲ့လမ်းကြောင်းမှာ သဘောင်္ဟာ သတိထား ဖြတ်မောင်းရတဲ့အခြေအနေမှာ ဒီလိုတင်စားပြောဆိုခဲ့ရမှာ ဆင်းသက်လာတယ်လို့ ဆိုပါတယ်။ အီဒီယံသဘောအရတော့ မလူးသာမလွန်သာတဲ့ အခြေအနေ၊ အန္တရာယ်တွေ ပတ်ခြားဝိုင်းနေတဲ့ ဘေးကြပ်နံကြပ် ဖြစ်နေတဲ့ အခြေအနေ၊ ရွေးစရာ နှစ်လမ်းရှိရာမှာ ဘယ်လမ်းကမှ ကိုယ့်အတွက် အခြေအနေမလှတဲ့ ဘယ်ဘက်ကိုကြည့်ကြည့် မသက်သာတဲ့ ရွေးလမ်းတွေကို ဆိုလိုတာဖြစ်ပါတယ်။ ဒီလိုအခြေအနေမျိုးမှာတော့ အကောင်းဆုံးက ခေါင်းအေးအေးထားပြီး စဉ်းစားဆုံးဖြတ်ပြီးတော့ လာမယ့်ဘေး ပြေးတွေ့ရုံကလွှဲလို့ တခြားဘာမှ မရှိတာကို ဆိုလိုပါတယ်။

အခု Pauline Gary ပေးမယ့် ဥပမာမှာတော့ စီးပွားရေး အကြပ်အတည်ကြီးကို ရင်ဆိုင်နေရလို့ ခေါင်းခဲနေရတဲ့ အခြေအနေ ဖြစ်ပါတယ်။

“We lost so much that we are between a rock and a hard place. I can’t decide whether to try to borrow money and pay higher interests than we can afford or else sell out. And, probably lose a half of our investment.”

“ကျမတို့ သိပ်ကို အရှုံးပေါ်နေပြီ။ ဘယ်လိုပဲလုပ်လုပ် ဘယ်ဘက်ကမှ သက်သာပုံမပေါ်ဘူး။ ကျမတို့အနေနဲ့ တတ်နိုင်တာထက် ပိုပေးပြီး အတိုးနှုန်းမြင့်မြင့်နဲ့ ငွေဘဲချေးမလား၊ ဒါမှမဟုတ် ဆိုင်ကို ရောင်းပစ်မလား။ အဲဒီလို လုပ်ရင်လည်း ကျမတို့ ရင်နှီးထားတဲ့ ငွေတဝက်လောက်တော့ အရှုံးပေါ်မှာ ဖြစ်တဲ့အတွက် ဘာလုပ်ရမယ်ဆိုတာကို ဆုံးဖြတ်လို့ မရတော့ဘူး။”

ဆက်ဖတ်ရန်>>>