ဆောက်လုပ်ရေး လုပ်ငန်း နဲ့ MEP Systems

မျက်မှောက်ခေတ် အဆောက်အအုံ တွေ ဟာ မိုးဒဏ်၊ နေဒဏ်၊ လေဒဏ်၊ ဆီးနှင်းဒဏ်၊ အစရှိတဲ့ ရာသီဥတုဒဏ် တွေ ကနေ အကာအကွယ်၊ အမိုးအကာ ပေးတဲ့ ခိုလှုံရာ လောက်သက်သက် မဟုတ်တော့ပါဘူး။

ပိုပြီး တိတိကျကျ ပြောရရင်တော့ လူတွေ သက်တောင့် သက်သာ စိတ်ချမ်းမြေ့စွာ နေထိုင်နိုင်ဘို့ နဲ့ တွင်တွင်ကျယ်ကျယ် အလုပ်လုပ်နိုင် ဘို့ရာ ပိုပြီး ကောင်းမွန် တဲ့၊ ပိုပြီး စံနစ်ကျ အဆင့်အတန်းမီ တဲ့၊ ပိုပြီး အလုပ်တွင်ကျယ် စေနိုင် တဲ့၊ ပတ်ဝန်းကျင် ကို ဖန်တီးပေးနိုင် အောင် ဆောက်လုပ် လာကြတာ ဖြစ်ပါတယ်။ ပူလို့၊ အိုက်လို့ ယပ်ခတ် ချွေးသုတ် စိတ်ရှုပ်နေ ရတာမျိုး၊ ချမ်းလို့ တုန်လို့ အလုပ် မတွင်တာမျိုး၊ နားငြီးလွန်းလို့ စိတ်ရှုပ်ရတာ မျိုး၊ မှောင်လွန်းလို့ အလုပ်လုပ်မရတာမျိုး တွေ မဖြစ်ပဲ အလုပ်မှာပဲ ပိုပြီး အာရုံ စိုက်နိုင် လာလို့ အလုပ် ပိုတွင်ရတာပါ။

အဆောက်အအုံ တွေကို ဒီဇိုင်း လုပ်တဲ့အခါ မပါမဖြစ် အခြေခံ အင်္ဂါရပ်တွေ ကတော့

• Better Lighting & Visual Comfort အလင်းရောင် လုံလုံလောက်လောက် ရနိုင်ဘို့၊
  
• Thermal Comfort :သက်တောင့်သက်သာရှိစေမဲ့ မျှတတဲ့ Temperature (အပူအအေး)၊ Humidity (လေရဲ့စိုထိုင်းဆ) တွေကို ပြုပြင် ထိန်းသိမ်း ထားနိုင်ဘို့၊
• Indoor Air Quality လေရဲ့သန့်ရှင်းလတ်ဆတ်မှု တွေရအောင် ထိန်းသိမ်း ထားနိုင်ဘို့၊
• Acoustical Quality အသံဆူညံ မှု ကနေ ကာကွယ်နိုင်ဘို့၊
• Convenient Power လျှပ်စစ်မီး၊ လိုအပ်တဲ့ ပါဝါတွေ အဆင်သင့် လွယ်လင့်တကူ ရနိုင် ဘို့၊
• Communication Capability ဆက်သွယ်ရေးစံနစ် တွေ (တယ်လီဖုန်း၊ Network, Internet, etc.) အဆင်သင့် လွယ်လင့်တကူ ရနိုင် ဘို့၊
• High-quality Sanitation ကျန်းမာရေးနှင့် ညီညွတ်သော အဆင့်မြင့် ရေသန့်ဖြန့်ဝေ၊ အညစ်အကြး နဲ့ ရေဆိုး (မိလ္လာ) နုတ်စံနစ်တွေ ပါဝင်ဘို့၊
• Reliable Systems for Life Safety and Property Protection လူတို့၏ အသက်နှင့် ပစ္စည်းဥစ္စာ ကို ကာကွယ်ရန် စိတ်ချရတဲ့ စံနစ်တွေ (မီးဘေးကာကွယ်ရေး စံနစ် တွေ၊ လုံခြုံရေး စံနစ်၊ အရေးပေါ် လမ်းညွှန် စံနစ်) တွေ ပါဝင်ဘို့၊

တို့ ဖြစ်ကြပါတယ်။ အဆောက်အအုံ ရဲ့ သုံးစွဲမှု အတိုင်းအတာ ကို လိုက်လို့ အခြား စံနစ်တွေ၊ ပိုပြီး သိမ်မွေ့နက်နဲ တဲ့ နည်းပညာ တွေ၊ လိုအပ် လာနိုင် ပါသေးတယ်။

ဒီလို လူတွေ အလိုရှိတဲ့ တောင့်တရတဲ့ အင်္ဂါရပ်တွေ လက်တွေ့ ဖြစ်လာနိုင်တာ ဟာ ပြောင်းလဲတိုးတက် လာတဲ့ MEP (Mechanical, Electrical & Plumbing) Systems လို့ခေါ်တဲ့ အဆင့်မြင့် နည်းပညာတွေ ကြောင့်ပါပဲ။ ဒီစနစ်တွေ ကိုပဲ M&E (Mechanical and Electrical Systems) လို့လည်း ခေါ်ကြပါသေးတယ်။

ဒီလို MEP system ရဲ့ပြောင်းလဲတိုးတက်မှု တွေဟာ Architectural Design (ဗိသုကာ ဒီဇိုင်း) သစ်တွေ ၊ ပုံစံသစ်တွေ၊ အခွင့်အလမ်းသစ်တွေ၊ ပေးခဲ့ ပါတယ်။ ပြူတင်းပေါက် မရှိတဲ့ ကုန်တိုက်တွေ စူပါမတ်ကက် တွေလို နေရာမျိုးတွေမှာ Electrical Lighting, Ventilation နဲ့Space Air Conditioning တွေပေါ်မှာ လုံးလုံး မှီခို အားထား နေရတာပါ။ High-rise building လို့ခေါ်တဲ့ အထပ်မြင့် အဆောက်အအုံတွေ မှာဆိုရင်လည်း အလွန်မြန်တဲ့ High-speed vertical transportation system (မြန်နှုန်းမြင့် ဓါတ်လှေခါး စံနစ်) တွေ၊ သောက်ရေ၊ သုံးရေ နဲ့ မီးအန္တရာယ် က ကာကွယ်ဘို့အတွက် ပါ high-pressure water supply systems (ဖိအားမြင့် ရေပေးဝေရေး စံနစ်) တွေ ဟာ မပါမဖြစ် ပါကိုပါ ရပါတယ်။

ဒီ MEP systems တွေ က စွမ်းဆောင်ပေးမဲ့ အကျိုး ကျေးဇူးတွေ ကို အလကားသက်သက် ရနိုင်တာတော့ မဟုတ်ပါဘူး။ ထိုက်တန်တဲ့ ပေးဆပ်မှုတွေ လည်း ရှိရပါတယ်။ ထည့်သွင်းစဉ်းစားရမယ့် အချက်တွေထဲမှာ လိုအပ်တဲ့ အခန်းနေရာ အကျယ်အဝန်း နဲ့ ကုန်ကျမဲ့ စရိတ် တွေလည်း ပါဝင် ပါတယ်။ တကယ့် လက်တွေ့မှာလည်း MEP systems တွေတတ်ဆင်ဘို့ အတွက် Floor နဲ့ Ceiling Space နေရာ တွေ ပြောပလောက်အောင်ကို တော်တော်များများ လိုအပ်ပါတယ်။ ပဏာမအစီအစဉ်ချ တဲ့ Preliminary Planning Phase မှာထဲက လိုအပ်တဲ့ နေရာတွေကို ကြိုတင်လျာထား မထားနိုင်ခဲ့ရင် ဒီဇိုင်းကို ထပ်တလဲလဲ ပြန်လုပ်နေရ ပါလိမ့်မယ်။ တစ်ခါတစ်ရံ system performance (စွမ်းဆောင်ရည်) ကိုတောင် စတေးလိုက် ရပါလိမ့်အုံးမယ်။

တစ်ချို့နေရာ တွေမှာဆိုရင်လည်းMEP system တွေရဲ့ ကုန်ကျစားရိတ် က အဆောက်အအုံ တစ်ခုရဲ့ စုစုပေါင်း ကုန်ကျစားရိတ် ရဲ့ တစ်ဝက်လောက်ကို ရှိတာပါ။ ဥပမာ ပြရရင် သိမ်မွေ့နက်နဲ တဲ့ ခေတ်မီ အဆောက်အအုံ တွေဖြစ်တဲ့ သုတေသနပြု လုပ်ငန်းသုံး Research & Development (R&D) Buildings တွေ၊ ဆေးရုံတွေ၊Computer Center တွေ၊ စသည်ဖြင့် ပေါ့လေ။

MEP System တွေ လည်ပတ်ဘို့ရာ အတွက် Energy (စွမ်းအင်) လည်း လိုပါတယ်။ စက်မှုထွန်းကား တဲ့ နိုင်ငံတွေ မှာဆို လူတွေ အသုံးပြုတဲ့ အဆောက်အအုံတွေဖြစ်တဲ့ လူနေအိမ်တွေ၊ ဟိုတယ်၊ ရုံးခန်းအစ ရှိတဲ့ စီးပွားရေးလုပ်ငန်းသုံး အဆောက်အအုံ တွေ၊ စာသင်ကျောင်း၊ ဆေးရုံ၊ အကျဉ်းထောင် နှင့် အခြား လူမှု အဖွဲ့အစည်း ဆိုင်ရာ အဆောက်အအုံ တွေက အသုံးပြုတဲ့ စွမ်းအင်ဟာ နိုင်ငံရဲ့ စုစုပေါင်း အသုံးရဲ့ တစ်ဝက် လောက်ကို ရှိနိုင် ပါတယ်။ ဒါ့အပြင် အဲသည့် အဆောက်အအုံ တွေရဲ့ Operating Costs (လည်ပတ် စရိတ်တွေ) ရဲ့ အစိတ်အပိုင်း တော်တော်များများ ကိုလည်းယူထားတာပါ။

"စွမ်းအင် (Energy) ကို ထိထိရောက်ရောက်၊ အကျိုးရှိရှိ မဟုတ်ပဲ အကြီးအကျယ် သုံးစွဲ နေခြင်းဟာ ကျနော်တို့ အမှီပြု နေရတဲ့ သဘာဝ ပတ်ဝန်းကျင်ကို ပျက်စီးစေမဲ့ အဓိကအချက် တစ်ချက်ပါဘဲ။"

သေသေချာချာ ကျကျနန ဒီဇိုင်း လုပ်ထားတဲ့ MEP Systems တွေဟာ လိုအပ်တဲ့ နေရာကို သင့်တော်သလောက် ပဲ ယူပြီး စွမ်းအင်ကို လည်း အကျိုးရှိရှိ အသုံးချ ထားလို့ အဆောက်အအုံရဲ့ ကုန်ကျစားရိတ် ကို လျှော့ချနိုင် ရုံမျှမက ကျနော်တို့ ရဲ့ သဘာဝ ပတ်ဝန်းကျင် အပေါ် မှာလည်း ထိခိုက်ပျက်စီးမှု နည်းပါးစေပါတယ်။

နောက် လာမဲ့ Post မှာ MEP systems တွေရဲ့ Scope (နယ်ပယ်) နဲ့ Impact (အကျိုးသက်ရောက်မှု) တွေကို ခြုံငုံတင်ပြပါမယ်။ Space Planning (နေရာ စီစဉ် လျာထားခြင်း)၊ Architectural Design (ဗိသုကာ ဒီဇိုင်း)၊ Construction & Operating Costs (ဆောက်လုပ်ရေး နှင့် လည်ပတ်ရေး ကုန်ကျစားရိတ် များ)၊ Greater environment (ပိုမိုအရေးပါလာတဲ့ ပတ်ဝန်းကျင်)၊ စသည်ဖြင့်ပေါ့လေ။